تەستىلەۋدىڭ ءبىرىنشى مۇمكىندىگىندە ەرەجە بۇزعان تالاپكەر ەكىنشىسىنە جىبەرىلمەيدى
4 مامىر 18:01

تەستىلەۋدىڭ ءبىرىنشى مۇمكىندىگىندە ەرەجە بۇزعان تالاپكەر ەكىنشىسىنە جىبەرىلمەيدى

نۇر-سۇلتان. قازاقپارات - ۇلتتىق ءبىرىڭعاي تەستىلەۋدىڭ ءبىرىنشى مۇمكىندىگىندە ەرەجە بۇزعان تالاپكەر ەكىنشىسىنە جىبەرىلمەيدى.

بۇل تۋرالى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورى ادىلەت تويبايەۆ ايتتى، دەپ حابارلايدى قازاقپارات ءتىلشىسى.

«بيىل ۇلتتىق ءبىرىڭعاي تەست تاپسىرۋعا ەكى رەت مۇمكىندىك بەرىلدى. ءبىراق، وسى ەكى مۇمكىندىكتە تالاپكەرلەر بەيىندى پاندەردى اۋىستىرا المايدى. ەگەر، ءبىرىنشى مۇمكىندىكتە «ماتەماتيكا+فيزيكا» تاپسىرسا، دەمەك، ەكىنشى مۇمكىندىگىندە دە تۋرا وسى «ماتەماتيكا+فيزيكا» پاندەرىن تاپسىرۋعا مىندەتتى. وسى جىلعى ۇ ب ت- نىڭ تاعى ءبىر ەرەكشەلىگى - ءبىرىنشى مۇمكىندىكتە ەرەجە بۇزعان جاعدايدا ناتيجەلەرى جويىلادى جانە ەكىنشى رەت تاپسىرۋعا جول بەرىلمەيدى. ال ەگەر تالاپكەر ءبىرىنشى مۇمكىندىگىندە ءساتتى ءوتىپ، ەكىنشى مۇمكىندىگىندە بەلگىلى ءبىر ەرەجەنى بۇزسا، وندا ەكى مۇمكىندىگىنىڭ دە ناتيجەسى جويىلادى ءارى گرانتتىق كونكرۋسقا قاتىسا المايدى. سوندىقتان ءاربىر تالاپكەردى اكاەدميالىق ادالدىق ۇستانۋعا شاقىرامىز»، - دەدى دەپارتامەنت ديرەكتورى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا. ونىڭ اتاپ وتۋىنشە، بيىل تەك قۇقىق باعىتى بويىنشا عانا شەكتى بالل 70-كە كوتەرىلىپ وتىر. «ەرەكشە ءبىلىم بەرۋ قاجەتتىلىكتەرى بار بالالارعا قوسىمشا 40 مينۋت بەرىلەدى. سونىمەن قاتار ولارعا ارنالعان تەستەردىڭ ساپاسى دا، قۇرىلىمى دا وزگەردى. تاعى ءبىر جاڭاشىلدىق اكادەميالىق ادالدىقتى ساقتاۋ ماقساتىندا تەستىلەنۋشىلەردىڭ تەست نۇسقاسى تاڭبالاناتىن بولادى. دەمەك، ءاربىر تەست تاپسىرۋشىنىڭ جەكە تەست نۇسقاسى بولادى جانە تاڭبالانادى. اقپاراتتىق قاۋىپسىزدىك ماقساتىندا تەستىلەۋ «1 كومپيۋتەر - 2 كامەرا - 1 تەستىلەنۋشى» قاعيداتى بويىنشا جۇرگىزىلەدى»، - دەدى ادىلەت تويبايەۆ.

اۆتور: مارلان جيەمباي


جاڭالىقتار