شىعىس قازاقستان وبلىسىندا سامار جانە اقسۋات اتتى ەكى جاڭا اۋدان قۇرىلدى

نۇر- سۇلتان. قازاقپارات - پرەزيدەنت جارلىعىمەن شىعىس قازاقستان وبلىسىندا ەكى جاڭا اۋدان قۇرىلدى.

قازاقپارات پرەزيدەنت جارلىعىنىڭ تولىق ءماتىنىن جاريالايدى.

قازاقستان رەسپۋبليكاسىنىڭ اكىمشىلىك- اۋماقتىق قۇرىلىسىنىڭ كەيبىر ماسەلەلەرى تۋرالى

«قازاقستان رەسپۋبليكاسىنىڭ اكىمشىلىك- اۋماقتىق قۇرىلىسى تۋرالى» قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:

1. شىعىس قازاقستان وبلىسى تارباعاتاي اۋدانىنىڭ اكىمشىلىك ورتالىعى شىعىس قازاقستان وبلىسى تارباعاتاي اۋدانىنىڭ اقسۋات اۋىلىنان اقجار اۋىلىنا كوشىرىلسىن.

2. شىعىس قازاقستان وبلىسىنىڭ قۇرامىندا: 1) تارباعاتاي اۋدانىنىڭ قۇرامىنان ءبولۋ جولىمەن اكىمشىلىك ورتالىعى اقسۋات اۋىلىندا ورنالاساتىن اقسۋات اۋدانى؛

2) كوكپەكتى اۋدانىنىڭ قۇرامىنان ءبولۋ جولىمەن اكىمشىلىك ورتالىعى سامار اۋىلىندا ورنالاساتىن سامار اۋدانى قۇرىلسىن.

3. ورتالىق مەملەكەتتىك ورگاندار، شىعىس قازاقستان وبلىسىنىڭ جەرگىلىكتى وكىلدى جانە اتقارۋشى ورگاندارى ورتالىق مەملەكەتتىك ورگانداردىڭ ءتيىستى اۋماقتىق بولىمشەلەرىنىڭ، جەرگىلىكتى وكىلدى جانە اتقارۋشى ورگاندار مەن ۇيىمداردىڭ ىركىلىسسىز جانە ءتيىمدى جۇمىس ىستەۋىن قامتاماسىز ەتۋ جونىندە شارالار قابىلداسىن.

4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

5. وسى جارلىق 2022 -جىلعى 7- ماۋسىمنان باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ پرەزيدەنتى ق. توقايەۆ

نۇر- سۇلتان، اقوردا، 2022 -جىلعى 3- مامىر № 886