كاسپي تەڭىزىندە جوعالعان بالىقشىلاردى تىكۇشاقپەن ىزدەپ جاتىر
«30- ساۋىرگە قاراعان ءتۇنى 1994-جىلى تۋعان قازاقستان ازاماتى مەن 1983-جىلى تۋعان وزبەكستان ازاماتى تەمىر قايىقپەن تەڭىزگە بالىق الاۋعا شىعىپ، سودان ورالعان جوق. كاسپي تەڭىزىنىڭ جاعالاۋىندا اقشۇكىر اۋىلىنىڭ ماڭىندا ىزدەۋ جۇمىستارىنا قايىقتارمەن 17 قۇتقارۋشى كىرىستى. سونداي-اق ىزدەۋ جۇمىستارىنا ق ر تەڭىز اسكەري كۇشتەرىنىڭ 29011 اسكەري ءبولىمىنىڭ «ورال» قاراۋىل كەمەسى جۇمىلدىرىلدى. جوعالعانداردى ق ر توتەنشە جاعدايلار مينيسترلىگىنىڭ «كازاۆياسپاس» ا ق - نىڭ قۇتقارۋشىلارى مي-870 تىكۇشاعىمەن دە ىزدەپ جاتىر. تىكۇشاقتىڭ بورتىندا ت ج م- ءنىڭ 4 وكىلى مەن جوعالعانداردىڭ تۋىسى بار»، - دەپ حابارلادى ماڭعىستاۋ وبلىستىق توتەنشە جاعدايلار دەپارتامەنتى باستىعىنىڭ ورىنباسارى بەكبولات ءابدىقادىروۆ.
وسىعان دەيىن بالىقشىلاردىڭ پاۆلودار وبلىسىندا ەرتىس وزەنىندە جوعالعانى حابارلانعان بولاتىن. كەيىنىرەك ولارامان-ەسەن تابىلدى.