قازاقستان مەن قىتايدىڭ اسكەري سالاداعى ىنتىماقتاستىعى تالقىلاندى
26 ءساۋىر, 08:10

قازاقستان مەن قىتايدىڭ اسكەري سالاداعى ىنتىماقتاستىعى تالقىلاندى

نۇر-سۇلتان. قازاقپارات – ق ر قورعانىس ءمينيسترى رۋسلان جاقسىلىقوۆ پەن ەلىمىزگە رەسمي ساپارمەن كەلگەن قىتايدىڭ قورعانىس ءمينيسترى ۆەي فەنحەنىڭ ەكىجاقتى كەزدەسۋى ءوتتى.

بۇل تۋرالى قازاقپارات ق م سىلتەمە جاساپ حابارلايدى.

تاراپتار كۇن تارتىبىندەگى وزەكتى جانە باسىمدىق بەرىلگەن ەكىجاقتى ماسەلەلەردى تالقىلادى.

اتاپ ايتقاندا، بىرلەسكەن وقۋ-جاتتىعۋلاردى وتكىزۋ پراكتيكاسىن جالعاستىرۋ، ەكى ەل اسكەري قىزمەتشىلەرىنىڭ دالالىق ماشىقتان ءتۇرلى جارىستارعا قاتىسۋى، قارۋلى كۇشتەر مەن اسكەري- تەحنيكالىق ىنتىماقتاستىق ءۇشىن بىلىكتى كادرلار دايارلاۋدى ۇيىمداستىرۋ تۋرالى ۋاعدالاستىقتارعا قول جەتكىزىلدى.

ودان بولەك، قورعانىس مينيسترلەرى بىتىمگەرشىلىك سالاسىندا بىرلەسكەن ءىس-قيمىلدى جولعا قويۋ قاجەتتىگى جونىندە ۋاعدالاستى. قورعانىس ۆەدومستۆولارىنىڭ باسشىلارى ەكى جاقتى فورماتتا دا، حالىقارالىق ۇيىمدار شەڭبەرىندە دە قازاقستان مەن قىتاي قارۋلى كۇشتەرى اراسىنداعى ءوزارا ءىس-قيمىل باسىمدىقتارىنا جوعارى باعا بەردى. سونىمەن قاتار، قازاقستان-قىتاي اسكەري ىنتىماقتاستىعىن ناتيجەلى دامىتۋدىڭ الەۋەتى دە اتاپ ءوتىلدى.

جاڭالىقتار