11:28, 22 - ءساۋىر 2022 | GMT +6
پرەزيدەنتتىك ادەبي سىيلىق تاعايىنداۋ ماسەلەسى قارالۋدا
نۇر- سۇلتان. قازاقپارات - پرەزيدەنتتىك ادەبي سىيلىق تاعايىنداۋ ماسەلەسى پىسىقتالىپ جاتىر. بۇل جايىندا سەنات دەپۋتاتتارىنىڭ ساۋالىنا بەرىلگەن ق ر پرەمەر- ءمينيسترىنىڭ ورىنباسارى ەرالى توعجانوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«جاس قازاقستاندىق جازۋشىلار مەن اقىنداردى قولداۋ ءۇشىن پرەزيدەنتتىك ادەبي سىيلىق تاعايىنداۋ ماسەلەسى پىسىقتالۋدا. قازىرگى ۋاقىتتا مەملەكەت باسشىسىنىڭ ءتيىستى جارلىق جوباسى مۇددەلى مەملەكەتتىك ورگاندارمەن كەلىسىلۋدە. پرەزيدەنتتىك سىيلىق «پروزا»، «پوەزيا»، «دراماتۋرگيا»، «بالالار ادەبيەتى» نوميناتسيالارى بويىنشا بۇرىن- سوڭدى جارىق كورمەگەن شىعارمالارى ءۇشىن قازاقستان رەسپۋبليكاسىنىڭ 18-29 جاس ارالىعىنداعى ازاماتتارىنا تابىستالاتىن بولادى»، - دەپ اتاپ وتەدى پرەمەر- ءمينيستردىڭ ورىنباسارى.
ەرالى توعجانوۆتىڭ اتاپ وتۋىنشە، وتاندىق ادەبيەتتى قولداۋ ءۇشىن قولدانىستاعى زاڭنامادا جەتكىلىكتى تەتىكتەر قاراستىرىلعان.
اۆتور: مارلان جيەمباي