ۇكىمەتتە داعدارىسقا قارسى قوسىمشا شارالار قارالدى
وتىرىس بارىسىندا ۇكىمەتتىڭ سىرتقى ەكونوميكالىق جانە گەوساياسي فاكتورلاردىڭ قازاقستاندىق وندىرۋشىلەرگە اسەرىن مۇقيات قاداعالاپ وتىرعانى اتالىپ ءوتتى، دەپ حابارلايدى قازاقپارات پرەمەر- ءمينيستردىڭ رەسمي سايتىنا سىلتەمە جاساپ.
وتاندىق كومپانيالاردىڭ ودان ءارى دامۋى جانە اكىمشىلىك جۇكتەمەنى تومەندەتۋ ءۇشىن ءبىرقاتار جاڭا قولداۋ شارالارىن ەنگىزۋ ۇسىنىلدى. ماسەلەن، مەملەكەتتىك ساتىپ الۋ اياسىندا ءوز مىندەتتەمەلەرىن ورىنداۋ كەزىندە فورس- ماجورلىق جاعدايلارعا (لوگيستيكالىق دالىزدەردىڭ جابىلۋى، جەتكىزىلىمدەردىڭ ۋاقىتىلى ورىندالماۋى جانە باسقا) تاپ بولعان كومپانيالاردى جوسىقسىز جەتكىزۋشىلەر تىزىلىمىنە ەنگىزبەۋ تەتىكتەرىن پىسىقتاۋ قاجەتتىگى ايتىلدى.
سونىمەن قاتار، اۋىل شارۋاشىلىعى وندىرۋشىلەرىن قولداۋ ءۇشىن ساقتاندىرۋ سىياقىلارىن مەملەكەتتىك سۋبسيديالاۋ كولەمىن ۇلعايتۋ كەرەكتىگى نازارعا الىندى. سونداي- اق، ەلىمىزدە شىعارىلاتىن اۋىل شارۋاشىلىعى تەحنيكاسىنىڭ جەڭىلدىكتى ليزينگىن كەڭەيتۋ تۋرالى ۇسىنىس ماقۇلداندى. پرەمەر- مينيستر ۇسىنىستاردى قولداپ، ولاردى جۇزەگە اسىرۋ ماسەلەلەرىن پىسىقتاۋدى تاپسىردى. ايتا كەتەيىك، بواو ازيا فورۋمى پلەنارلىق سەسسياسىنىڭ اشىلۋ راسىمىندە ق ر پرەمەر- ءمينيسترى ءاليحان سمايىلوۆ ازيا ەلدەرىن ترانسكاسپي حالىقارالىق كولىك باعدارىن بەلسەندى پايدالانۋعا شاقىرعان بولاتىن.