سىزدەر - مەنىڭ وتباسىم: ديماش قۇدايبەرگەننىڭ پراگاداعى كونسەرتى دۇركىرەپ ءوتتى
DimashNews رەداكسياسىنا بەرگەن سۇحباتىندا ءانشى كوپتەن كۇتكەن جەكە كونسەرتى جايلى ايتىپ بەردى.
چەحيانىڭ جۇرەگىندەگى شوۋدى جارقىن ءارى اسەرلى اياقتاعان ديماش پاندەميادان كەيىن جەكە كونسەرتپەن ورالۋ - ەشتەڭەمەن سالىستىرۋعا كەلمەيتىن كەرەمەت سەزىم تۋدىرعانىن ايتتى.
«ءيا، پاندەميانىڭ 2 جىلىندا ءارتۇرلى ماراپاتتار مەن فەستيۆالدەردە ونەر كورسەتتىم، ءبىراق جەكە كونسەرتپەن ورالۋ - مۇلدەم باسقا ەموتسيا. اتموسفەرا تانىس، ەرەكشە. سوندىقتان، ارينە، بارلىق Dears-قا ماعان كورسەتكەن سۇيىسپەنشىلىگى مەن قولداۋى ءۇشىن العىس ايتقىم كەلەدى»، - دەيدى ول.
- وسى ۋاقىت ىشىندە جانكۇيەرلەرمەن بايلانىس ءۇزىلدى مە؟
- بۇل سۇراققا جاۋاپ بەرۋ وتە قيىن. ءتىپتى بولەك بولسام دا، مەن، ارينە، Dears-تىڭ سۇيىسپەنشىلىگى مەن قولداۋىن سەزىندىم، ءبىراق سوعان قاراماستان ازداعان قوبالجۋ بولدى. الايدا، ساحناعا شىققان بويدا بارلىق ۋايىمىم ءاپ- ساتتە سەيىلدى. ءبىزدىڭ وتكەن كونسەرتتەرىمىز پاندەمياعا بايلانىستى 2 جىل جوعالتقانىمىزعا قاراماستان، Dears-پەن بايلانىسىمىز ءالى دە كۇشتى ەكەنىن كورسەتتى.
DimashAli شىعارماشىلىق ورتالىعىنىڭ جەتەكشىسى قانات ايتبايەۆ 2 جىلدان كەيىن كونسەرتتىك اتموسفەراعا ورالۋ جانە كونسەرتتەرگە دايىندىق قالاي وتكەنىن اڭگىمەلەدى.
«وزدەرىڭىز بىلەتىندەي، 2020 -جىلى باستالعان كوروناۆيرۋس ينفەكسياسىنىڭ پاندەمياسىنا بايلانىستى ءبىز تۋردى توقتاتا تۇرۋعا ءماجبۇر بولدىق. ارينە، ءبىز ءۇشىن ونى قايتا جالعاستىرۋ - ۇلكەن باقىت. ديماشتىڭ كورەرمەندەرىمەن، شىعارماشىلىعىنىڭ جانكۇيەرلەرىمەن، سونداي- اق ءارتۇرلى ەلدەردەگى ارىپتەستەرىمىزبەن كەزدەسكەنىمىزگە قۋانىشتىمىز. ءبىز ءبىر ۇجىمبىز جانە ءارقايسىمىز ءۇشىن ەرەكشە باعدارلامامەن ۇلكەن قۋانىشپەن جۇمىس جاسايمىز. ەموتسيا وتە كوپ جانە ونىڭ ءبارى وتە جاعىمدى، ويتكەنى كونسەرتتەر - ءارقاشان جاقسىلىق پەن بىرلىككە شاقىراتىن قۇرال» دەيدى ول.
سونداي- اق، قانات ايتبايەۆ لوكداۋنعا قاراماستان، ديماشتىڭ كومانداسى ءبىر- بىرىمەن بايلانىسىن ۇزبەي، ۇيىمشىل بولا وتىرىپ، جۇمىسىن جالعاستىرعانىن ايتتى.
«پاندەميا باستالعان ساتتەن باستاپ ءبىز تەحنيكالىق جاعىنان دا، شىعارماشىلىق جاعىنان دا ءبىر سەكۋندقا بايلانىستى جوعالتپادىق. بالالار ءبىر- بىرىمەن ۇنەمى ونلاين تىلدەسىپ، بەينەبايلانىس ارقىلى كوپ جاتتىقتى. دۋبايداعى كونسەرتتەن ەكى اپتا بۇرىن ءبىزدىڭ شىعارماشىلىق كوماندا نۇر- سۇلتانعا ۇشىپ، الداعى شوۋعا دايىندىقتى باستادى. ۇزاق جانە وتە مۇقيات دايىندالدىق، بۇل بۇرىنعى ارناعا تەز ەنۋگە كومەكتەستى» دەپ اتاپ ءوتتى پروديۋسەر.
TipSport Arena-داعى كونسەرت Intro-نىڭ العاشقى اككوردتارىنان ەموتسيالار جارىلىسىمەن باستالدى جانە كورەرمەندى فينالعا دەيىن جىبەرمەدى.
«ەڭ ەستە قالارلىق نارسە، ارينە، ساحناعا شىعۋ! Dears-پەن كەزدەسۋدىڭ العاشقى ساتتەرىندە ولاردىڭ جارقىن كۇلكىسىن كورىپ، داۋسىن ەستيمىن. سونداي- اق، كونسەرتتىڭ سوڭعى مينۋتتارىندا ءۇش ساعاتتىق كونسەرتتەن كەيىن دە زالدىڭ مەنى قولداۋدان جالىقپايتىنىن كوردىم. بۇل ءۇشىن وتە ريزامىن. ءوزىڭىز بىلەسىز، ءۇش ساعات قاتارىنان مۋزىكا تىڭداۋ وڭاي ەمەس. سوندىقتان كونسەرتتىڭ سوڭىندا زالداعى ەنەرگەتيكانىڭ باسىنداعىداي كۇشتى جانە قۋاتتى ەكەنىن كورۋ - مەن ءۇشىن ءارقاشان باقىت»، - دەدى ديماش.
- قانداي كومپوزيتسيا كەزىندە Dears-پەن جاقىن بايلانىستى سەزىندىڭىز؟
- مەنىڭ ويىمشا، S. O. S كەزىندە. I am Singer كەزىندە وسى ءاندى ورىنداعاننان كەيىن مەنى بۇكىل الەم تانىدى، وسىنداي كەرەمەت فاندوم تاپتىم. سوسىن، ارينە، «دايديداۋ». مەن بۇل كومپوزيتسيانى الەمنىڭ ءار ءتۇرلى ەلدەرىنەن كەلگەن ادامدار قالاي ورىندايتىنىن ءاردايىم ارماندايتىنمىن جانە Dears كونسەرتتەردە مەنىمەن بىرگە ءان سالعانىن ەستىگەندە ارامىزداعى ەرەكشە بايلانىستى سەزىنەمىن. كونسەرت ءبىر ۇلكەن وتباسىنىڭ كەزدەسۋى سياقتى ءوتتى. ديماش ءوز ەنەرگياسىمەن كورەرمەندەرىمەن جومارتتىقپەن ءبولىستى، كوپ يمپروۆيزاتسيا جاسادى، ازىلدەدى، جانكۇيەرلەردى اندەردى بىرلەسىپ ورىنداۋعا تارتتى.
«Happy Birthday to you» كاپەللاسىن ورىنداپ، ساحناعا شىققان Dear- دى تۋعان كۇنىمەن قۇتتىقتادى. العاش رەت ديريجەر ديماش كورەرمەندەردى قازاق تىلىندە ءۇش داۋىستا شىرقاپ، Dears مىڭداعان حورى ءارتىس پەن مۋزىكانتتاردىڭ ءوزىن تاڭ قالدىردى.
«سىزدەر - مەنىڭ وتباسىم»، - دەدى ديماش شوۋدىڭ فينالىندا.
«قازىر شىعارماشىلىق جوسپارلار وتە كوپ. ديماش جاڭا اندەرمەن بەلسەندى جۇمىس ىستەپ جاتىر. ءوز شىعارمالارىن سۇيىكتى تىڭداۋشىلارىنا تەزىرەك ۇسىنۋعا ۇمىتتەنىپ، مۋزىكا جازىپ جاتىر. بۇل ءار ءتۇرلى تىلدەردەگى اندەر، كەيبىرەۋلەرى شەتەلدىك كومپوزيتورلارمەن بىرلەسىپ جازىلادى. سونداي- اق، جوسپاردا بىرنەشە جاڭا كونسەرت بار. بىزگە قازىر قاراستىرىپ جاتقان ءتۇرلى ەلدەردەن ءتۇرلى ۇسىنىستار كەلىپ جاتىر. ءبارى بەلگىلى بولعان كەزدە بۇل تۋرالى Dears تىڭداۋشىلارىمىزدى بىردەن حاباردار ەتەمىز»، - دەيدى قانات ايتبايەۆ.