ديماش قۇدايبەرگەن العاش رەت گەرمانيادا كونسەرت وتكىزدى
قازاقستان ءانشىسىنىڭ كەرەمەت شوۋىن تاماشالاۋ ءۇشىن كورەرمەن ەۋرازيا، امەريكا، افريكا، اۆستراليا، ءبىر سوزبەن دۇنيەنىڭ ءتورتبۇرىشىنان جينالدى. ديماش تىڭدارمانىنا پاندەمياعا دەيىن باستالعان «ARNAU» تۋرىنىڭ جاڭارتىلعان باعدارلاماسىن ۇسىندى. ول ادەتتەگىدەي بىرنەشە تىلدە ءان ورىندادى. اعىلشىن، يتاليان، فرانسۋز، ورىس، قىتاي تىلدەرىندەگى تۋىندىلاردىڭ ءارقايسىسىنىڭ ءانشى شىعارماشىلىعىندا ءوز ورنى بار. دەگەنمەن، كونسەرت باعدارلاماسىنىڭ باسىم بولىگىندە انا تىلىندە ايتتى.
«الەمدە بىرلىك بولسىن» جانە «مەن سەنى سۇيەمىن» اندەرىن جينالعاندار قوسىلا شىرقادى. ونەرپازدى ساحنادان جىبەرمەي، «ماحاببات بەر ماعان» جانە «دايديداۋ» قايىرمالارىن بىرنەشە مارتە قايتالادى. ال، كونسەرت سوڭىندا ديماش كوپ ۇزاماي پراگادا كەزدەسۋگە ۋادە بەردى.
ەسكە سالساق، جاپونيانىڭ ەڭ ءىرى ۋنيۆەرسيتەتى وقۋ باعدارلاماسىنا ديماش قۇدايبەرگەننىڭ اندەرىن ەنگىزگەن ەدى.
