اۋىر اتلەتيكادان قانداسىمىز ءادىل قاريلباي ۇلى جۇلدەگەر اتاندى - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قازاقستاندا يراننىڭ ارنايى كورمەسى وتەدى - Parstoday

يراننىڭ ساۋدانى دامىتۋ ۇيىمىنىڭ باس ديرەكتورى قازاقستاندا يراننىڭ ارنايى كورمەسىنىڭ وتەتىنىن حابارلادى.

بۇل تۋرالى وسى اپتادا Parstoday اقپارات اگەنتتىگى جازعان بولاتىن. يراندىق ب ا ق- تىڭ مالىمەتى بويىنشا، يراننىڭ ساۋدانى دامىتۋ ۇيىمىنىڭ باس ديرەكتورى اليرەزا پەيمانپاك يراننىڭ قازاقستانداعى ارنايى كورمەسىنىڭ 2022-جىلدىڭ 1-3- شىلدەسى ارالىعىندا الماتى حالىقارالىق كورمە ورتالىعىندا وتەتىنىن مالىمدەگەن.

«قازاقستاننىڭ يران تاۋارلارىن ەكسپورتتاۋ الەۋەتى جوعارى. سوندىقتان بۇل كورمە ەلىمىزدىڭ ەكونوميكالىق بەلسەندىلەرى ءۇشىن جاقسى مۇمكىندىك. قازىرگى ۋاقىتتا قازاقستان ۇكىمەتى يرانمەن ساۋدا قارىم-قاتىناسىنىڭ دامۋىن قۇپتايدى جانە ءبىز قازاقستاننىڭ ساۋدا مينيسترلىگىنەن ەۋرازيا وداعى تۇرعىسىنان دا، ەكىجاقتى ساۋدا قاتىناستارى تۇرعىسىنان دا ايتارلىقتاي ىنتىماقتاستىقتى كورىپ وتىرمىز»، - دەيدى يراننىڭ ساۋدانى دامىتۋ ۇيىمىنىڭ باس ديرەكتورى.

يسلام وركەنيەتتەرى مۇراجايى اشىلادى - TRT

يسلام وركەنيەتتەرى مۇراجايى 1200 جىلدىق تاريحتى سۋرەتتەيتىن جانە كوبى بۇرىن كورمەگە قويىلماعان تەڭدەسىز مۇرالاردان قۇرالادى.

ۇلكەن چاملىجا مەشىتى كەشەنىندە يسلام وركەنيەتتەرى مۇراجايىن ەرتەڭ پرەزيدەنت رەجەپ تايىپ ەردوعان اشتى، دەپ حابارلايدى «تۇركيا راديو تەلەديدار» اقپاراتتىق اگەنتتىگى.

اتالعان ب ا ق- تىڭ كەلتىرگەن دەرەگىنە سۇيەنسەك، ىستانبۇلداعى ۇلكەن چاملىجا مەشىتى كەشەنىندە ورنالاسقان 10 مىڭ تەكشە مەتر الاڭداعى يسلام وركەنيەتتەرى مۇراجايى ۇلتتىق سارايلارعا قاراستى توپقاپى سارايى مەن ساراي كوللەكتسيالارى مۇراجايى، تۇرىك جانە يسلام مۇرالارى مۇراجايى، ىستانبۇل ارحەولوگيا مۇراجايى، ىستانبۇل كەشەندەر مۇراجايى جانە قورلار مۇراجايى كوللەكتسيالارىنان تاڭدالعان مۇرالاردان دايىندالدى.

«VII عاسىردان XIX عاسىرعا دەيىنگى يسلام ونەرىنىڭ دامۋىن بەينەلەيتىن 88 مۇرا قويىلعان مۇراجاي تۇرىك توقىما ونەرى، مۇحاممەد پايعامبارعا تيەسىلى تۋىندىلار، يسلام ونەرىندەگى ساۋلەت جانە ساندىك ەلەمەنتتەر، قاعبانىڭ ءبىرىنشى مەشىتى، داماسك قۇجاتتارى، قۇران كارىم جانە ونىڭ قورشاۋلارى، يسلامداعى عىلىم، بەرات جانە جارلىقتار. سونىمەن بىرگە حۋسني حات (كوركەم جازۋ)، تۇمار جەيدەلەر، وسمانلى كيىمى، دەستيمال (ورامال) ءداستۇرى، ساركوفاگ (مۇقابا)، يسلامداعى جەڭىستەر، تۇرىك كەراميكا ونەرى، يسلام اقشالارىن قامتىعان 15 تاقىرىپتىق بولىمنەن تۇرادى»، دەپ جازادى تۇركيالىق ب ا ق.

تاشكەنتتە جاڭا ۇلگىدە اۆتوبۋس ايالدامالارى سالىنۋدا - «ءو ز ا»

تاشكەنت قالاسىندا ۇلگىلى جوبا بويىنشا اۆتوبۋس ايالدامالارى قۇرىلۋدا. قالالىق كولىك باسقارماسىنىڭ دەرەگىنشە، 2022-جىلدىڭ ءبىرىنشى توقسانىندا وسى جوبا نەگىزىندە 14 ايالداما قايتا جاڭعىرتىلعان، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.

وزبەكستاندىق ب ا ق- تىڭ مالىمەتىنشە، بۇل جاعداي وزبەكستان پرەزيدەنتىنىڭ 2022 -جىلعى 2- اقپانداعى «تاشكەنت قالاسىنىڭ قوعامدىق كولىك جۇيەسىن ودان ءارى دامىتۋ جونىندەگى قوسىمشا شارالار تۋرالى» جارلىعىنا سايكەس جۇزەگە اسىرىلۋدا ەكەن.

اۋىر اتلەتيكادان ءادىل قاريلباي ۇلى جۇلدەگەر اتاندى - Kaznews

حەنتي ايماعىندا اۋىر اتلەتيكادان جاس وسپىرىمدەر اراسىنداعى موڭعوليا بىرىنشىلىگى ءوتتى. بۇل تۋرالى وسى اپتادا موڭعوليانىڭ Kaznews اقپاراتتىق پورتالى حابارلادى. بۇل چەمپيوناتقا بايان-ولگەي ايماعىنان ەكى سپورتشى قاتىسىپ، التىن جانە قولا جۇلدەنى قانجىعاسىنا بايلادى.

موڭعوليالىق ب ا ق- تىڭ دەرەگىنشە، ەرلەردەن 55 كەلى سالماقتا ءادىل قاريلباي ۇلى جۇلقا كوتەرۋدە 45 كەلى، سەرپە كوتەرۋدە 50 كەلىنى ەڭسەردى.

قوسسايىس ناتيجەسىندە 95 كەلى كوتەرىپ، قولا جۇلدەگەر اتاندى. ال قىزدار اراسىندا 64 كەلىدە ت. ورحون جۇلقا كوتەرۋدەن 70 كەلى، سەرپە كوتەرۋدەن 90 كەلىنى ەڭسەردى.

قوسسايىس ناتيجەسى بويىنشا ت. ورحون 160 كەلى كوتەرىپ، ەل بىرىنشىلىگىندە ەڭ جوعارى ناتيجە كورسەتىپ جەڭىسكە جەتتى.

سىچۋانداعى كىتاپ دۇكەنىنىڭ ەرەكشە ديزاينى ادامداردى تاڭ قالدىردى - «حالىق گازەتى»

سىچۋان ولكەسىنىڭ دۋجيانيان قالاسىنداعى «جۋنشيۋگە» كىتاپ دۇكەنى ەرەكشە ديزاينىمەن ادامداردى باۋراپ الدى. ءبىراز ۋاقىت بۇرىن الەمگە ايگىلى ارحيتەكتۋرالىق Architizer ۆەب-سايتى 2021 A+ Awards جەڭىمپازدارىنىڭ ءتىزىمىن جاريالادى.

ونىڭ ىشىندە اتالعان كىتاپ دۇكەنى دە بار ەدى، دەپ حابارلايدى قىتايدىڭ «حالىق گازەتى».

اتالعان ب ا ق- تىڭ كەلتىرگەن دەرەگىنە سۇيەنسەك، «جۋنشيۋگە» كىتاپ دۇكەنى الەمدەگى ەڭ ىقپالدى ساۋلەت ەسكەرتكىشتەرىنىڭ ءبىرى جانە ساۋلەت يندۋسترياسىندا «وسكار» رەتىندە بەلگىلى كاسىبي قازىلار القاسىنىڭ جۇلدەسىن جەڭىپ العان.

اۆتور: بەيسەن سۇلتان