ەرتەڭ گەرمانيانىڭ ديۋسسەلدورف قالاسىندا ديماشتىڭ جەكە كونسەرتى وتەدى

نۇر- سۇلتان. قازاقپارات - ديۋسسەلدورف اۋەجايىندا ديماشتى ونىڭ شىعارماشىلىعىنىڭ جانكۇيەرلەرى جىلى قارسى الدى.

بۇل جايىندا ءانشىنىڭ رەسمي سايتىنا سىلتەمە جاساپ قازاقپارات حابارلايدى. ەرلەر مەن ايەلدەر، جاس، ەرەسەكتەر مەن بالالار - بۇگىن كوپتەگەن جانكۇيەرلەر گەرمانياعا العاشقى جەكە كونتسەرتىن وتكىزۋگە كەلگەن سۇيىكتى ءانشىنى قارسى الۋ ءۇشىن جينالدى. ءارتىس كەلگەنگە دەيىن جانكۇيەرلەر اۋەجايدا جينالىپ ءوز اسەرلەرىمەن الماستى، ديماشتىڭ سۇيىكتى اندەرىن تالقىلادى. چيلي، ارگەنتينا، گەرمانيا، ۇلى بريتانيا، ارگەنتينا، اۆستراليا، جاڭا زەلانديا، برازيليا، يسپانيا، نيدەرلاندى، كولۋمبيا، نورۆەگيا جانە باسقا ەلدەردىڭ وكىلدەرى ءار ءتۇرلى تىلدەردەگى سۇيىكتى ءارتىستى قۋانا قارسى الدى. «سالەمەتسىز بە»، «راقمەت سىزگە»، - دەگەن ءار ءتۇرلى ەلدەردىڭ جانكۇيەرلەرىنىڭ قازاق تىلىندەگى سوزدەرى ەرەكشە اسەرلى ەستىلدى.

ديماش جانكۇيەرلەرگە قولداۋ كورسەتكەندەرى ءۇشىن ءۇشىن العىسىن ءبىلدىردى، جاقىندا قالىپتاسقان ءداستۇر بويىنشا جاس جانكۇيەرمەن سىيلىقتار الماستى، بىرنەشە قولتاڭبا بەردى.

ەسكە سالايىق، 9-ساۋىردە ديۋسسەلدورفتىڭ «iSS Dome « ستاديونىندا ديماشتىڭ «ARNAU» تۋرى اياسىندا العاشقى كونتسەرتى وتەدى. ءارتىس ءوزىنىڭ كونتسەرتتىك تۋرىنىڭ جاڭارتىلعان باعدارلاماسىن ۇسىنۋ ءۇشىن Dears-پەن كەزدەسۋدى اسىعا كۇتەدى.