13:40, 05 - ءساۋىر 2022 | GMT +6
مەيرامبەك بەسبايەۆ تانىمال بوكسشى مايك تايسونمەن سويلەستى - ۆيدەو
نۇر-سۇلتان. قازاقپارات - ءانشى مەيرامبەك بەسبايەۆ Instagram-داعى پاراقشاسىندا بوكسشى مايك تايسونمەن سويلەسكەن ۆيدەوسىن جاريالادى.
«بىلەكتىڭ كۇشىمەن بۇكىل الەمدى تاڭعالدىرعان اڭىز ادام مايك تايسونمەن تەلەفونمەن سويلەسۋ ءساتى ءتۇستى. جۇرەگى جۇمساق، جانى تازا جىگىت ەكەن»، - دەپ جازدى ءانشى.
بەسبايەۆ تايسون دا كەپتەر ۇستايتىنىن جازىپ، «ءبىزدىڭ كەپتەرشىلەر وداعىنىڭ مۇشەسى دەسەڭ» دەپ ازىلدەدى.
«باس امان، باۋىر ءبۇتىن بولىپ، جاقسى كۇندەردە جولىعايىق. ورازالارىڭىز قابىل بولسىن»، - دەپ اياقتادى ءانشى جازباسىن.
ەسكە سالايىق، مايك تايسون - اۋىر سالماقتا ونەر كورسەتكەن امەريكالىق كاسىپقوي بوكسشى، تاريحتاعى ەڭ تانىمال بوكسشىلاردىڭ ءبىرى.