كوروناۆيرۋس: مۇرىن ارقىلى قابىلداۋعا ارنالعان الەمدەگى العاشقى ۆاكسينا تىركەلدى
3 ءساۋىر 10:50

كوروناۆيرۋس: مۇرىن ارقىلى قابىلداۋعا ارنالعان الەمدەگى العاشقى ۆاكسينا تىركەلدى

نۇر-سۇلتان. قازاقپارات - رەسەي مۇرىن ارقىلى قابىلداۋعا ارنالعان كوروناۆيرۋسقا قارسى العاشقى ۆاكسينانى تىركەدى.

بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ءمالىم ەتىلدى، دەپ حابارلايدى قازاقپارات.

رەسەيدە مۇرىن ارقىلى قابىلداۋعا ارنالعان كوروناۆيرۋسقا قارسى ۆاكسينا تىركەلدى. الەمدە مۇنداي پرەپارات بۇعان دەيىن بولماعان. مۇرىنعا ارنالعان ۆاكسينا ەكى دوزادان تۇرادى جانە ءۇش اپتا ارالىقپەن ەنگىزىلەدى. قازىرگى كەزەڭدە ۆاكسينانى 18 جانە ودان جوعارى جاستاعى ادامدارعا ۆاكسينوپروفيلاكتيكانى جۇزەگە اسىراتىن مەديتسينالىق ۇيىمدار جاعدايىندا قولدانۋعا رۇقسات ەتىلەدى.

1-ساۋىردەن باستاپ بەرليندە بارلىق دەرلىك شەكتەۋلەر جويىلدى. كەلەسى جەكسەنبىدە كارانتيندىك تالاپتار گەرمانيانىڭ باسقا فەدەرالدى جەرلەرىنىڭ باسىم كوپشىلىگىندە الىنادى.

ويتكەنى قازىر گەرمانيادا كوروناۆيرۋستىڭ اسا قاۋىپتى ەمەس «وميكرون» نۇسقاسى تارالۋدا. ەكىنشىدەن، گەرمانيا تۇرعىندارىنىڭ 76 پايىزى قازىردىڭ وزىندە تولىعىمەن ۆاكسينالانعان، سوندىقتان ينفەكسيا بولعان جاعدايدا دا اۋرۋ وڭاي وتەدى.

ۇشىنشىدەن، 20-ناۋرىزدا ەلدىڭ بۇرىنعى رەداكسياداعى «ادامنىڭ جۇقپالى اۋرۋلارىنىڭ الدىن الۋ جانە وعان قارسى كۇرەس تۋرالى» زاڭىنىڭ مەرزىمى اياقتالدى. بۇل زاڭ ەل بيلىگىنە ماسكا تاعۋدى تالاپ ەتۋگە، ۆاكسيناتسيا سەرتيفيكاتتارىن ەنگىزۋگە جانە باسقا دا شەكتەۋلەردى قولدانۋعا مۇمكىندىك بەرگەن ەدى.

جاڭالىقتار