«التىن التايعا ارناۋ» - ءجۇرسىن جەڭىسحان ۇلى
ءجۇرسىن بالا جاسىنان ءان ايتۋعا، ولەڭ جازۋعا قۇمار بولعان. ول جۇرگەن جەرىندە، ءوز ورتاسىندا ولەڭ جازۋمەن قاتار انشىلىگىمەن دە كوپتىڭ القاۋىنا يە بولىپ جۇرگەن ونەرپاز ازامات.
ج. جەڭىسحان ۇلى 2005-جىلى اتا مەكەنى قازاقستانعا قونىس اۋدارعان. اقىن «تاريحي وتانىم» اتتى ولەڭىمەن ادەبيەت سۇيەر قاۋىمنىڭ جاقسى باعاسىنا يە بولادى.
2014-جىلى شىعس قازاقستان وبلسىندا وتكەن حالىقارالىق ونەر شىعارماشىلىق بايقاۋىنا قاتىناسىپ، حالىقارالىق شىعارماشىلىق پرەزيدەنت قولىنان ماراپاتتالعان.
ول ش ق و ۇلتتار دوستىعى اياسىندا وتكىزىلگەن ءىس-شارالاردا كوزگە ءتۇسىپ، ۇلتتىق رۋحانياتپەن انا ءتىلىمىزدىڭ جوعىن جوقتاپ جۇرگەن ۇلتجاندى ازاماتتىڭ ءبىرى.
ءبىز بۇگىن ونەر سۇيەر قاۋىمعا ءجۇرسىن جەڭىسحان ۇلىنىڭ بىرنەشە ولەڭىن ۇسىنىپ وتىرمىز.
ناۋرىز تىلەگى
قۇربى قۇرداس دوس جاران تۋستارىم،
ارايلاپ اتتى بۇگىن ۇلىس تاڭىم.
قۇشاقتاسىپ كورىسىپ قالىڭىزدار،
رەنىش كىربەڭدىكتىڭ جۋىپ ءبارىن.
وسەر ەلمىز، كوگەرسىن كوسەگەڭىز،
ارتا بەرسىن بەرەكە ىرىستارىڭ.
ءورسىڭ ءتورت تۇلىكتى مالعا تولىپ،
قوي قوزداپ، ءبىر اشىلسىن تىنىستارىڭ.
ەگىلگەن ەگىنىڭمەن قىرمان تولىپ،
ىلگەرلەسىن ىستەگەن جۇمىستارىڭ.
قوسىلىپ شاقىراققا شاڭىراعىڭ،
بەرىك بولسىن كەرەگە ۋىقتارىڭ.
ساپىرىپ سارى قىمىز سارى جايلاۋدا،
قۇرت مايعا تولىپ تۇرسىن تۇلىپتارىڭ.
ناۋىردى ۇلىقتاپ تويلاتىڭدار،
ەشكىمنەن كەم تۇرماسىن يىقتارىڭ.
قارا جورعا بيىنە باسىڭىزدار،
شىعارىپ قىز بوزبالا قىلىقتارىن.
ءان سالىپ، ات ويىن ساپ، كوكپار تارتىپ،
شىعارىپ سالت-ءداستۇردىڭ قىزىقتارىن.
پالە-جالا، تۇماۋدان امان-ساۋ بول،
وسىلاي جىر جولىمەن ۇلىقتادىم.
كەڭ ساحارا جايقالىپ بايشەشەككە
گۇلدەنىپ، كوركەيە بەر گۇلىستانىم...
«شۇكىر دە»
ۆيرۋستان ۇرەيلەنىپ قالعان حالىق،
اللادان كەلگەنى سول المان-سالىق.
سالىعى - يمان كەلتىر، شۇكىر، ءتاۋبا،
قىزىعىنا جالعاننىڭ الدانبالىق.
جاتساڭدا قوراسىمەن مال مالدانىپ،
جەگەنىڭ قازى-قارتا بال مەن بالىق.
شۇكىرسىز توككەن تەرىڭ ءبارى حارام،
دۇنيەڭدى جيعانىڭمەن جالماڭ قاعىپ.
جايلاۋ الىپ جەرىنە قاقساڭ قازىق،
قىمىز ءىشىپ، ءان سالىپ، بولساڭ قارىق.
اللاعا شۇكىرشىلىك جاساماساڭ،
جاۋىنى جوق بەرسەدە اسپان جارىق.
جول ساپارىن بىلسەڭىز باسساڭ قانىق،
اياعىڭ شالىنباسا تاستار قاعىپ.
جەتەر جەرگە جەتكەندە شۇكىر جاسا،
اياعى جوق پەندە بار جاتقان عارىپ.
اللا سىزدى ءار ساتتە سىناق ەتسە،
يمان مەن تاۋبە كەرەك قيامەتكە.
ۇلى توي جاساساڭدا باسىڭ امان،
قارا ناننىڭ ۇزگىن سىراپ ەتپە.
التىن التايعا ارناۋ
شىعس قازاقستان وبلىسى (زىريان) قازىرگى التاي قالاسىنىڭ 2014-جىلى وتكەن حالىقارالىق ونەر شىعارماشىلىق فەستيۆالىنان قايتاردا.
جەر قايدا تاسى التىن تۇرعىسنداي،
مەن كەلدىم قايتا ايلانىپ جىل قۇسىنداي.
سۋ بويىندا قوس قايىڭ ءيىلىپ تۇر،
قاتار وسكەن اۋىلدىڭ قۇربىسىنداي.
شاڭىراققا شانشىلعان ۋىقتايىن،
انىمە ارقاۋ بولعان بيىك قايىڭ.
كۇمىس بۇلاق سۋىڭا ءشول قاندىرىپ،
كولەڭكەلەپ ساياڭا ۇيىقتايىن.
تۇنىپ قالسىن بويىڭا جىردىڭ لەبى،
ەسكە الار جۇر كەزدەسكەن قۇربىم مەنى.
ءمولدىرەگەن قاراقات بۇلدىرگەنىن،
تەرىپ قايتساق قالقام-اۋ ءبىر كۇندەرى.
2014-جىل
الا تاۋ بۇگىن قارالى
(اقىن جاركەن بودەش ۇلىنىڭ رۋحىنا)
قۇزىنان ۇشقان قىرانى،
تۇعىرى بوساپ تۇراعى.
بورىلەرى قالدى ءۇنسز،
ءبۇرسىپ تاۋدىڭ ۇلارى،
الا تاۋ بۇگىن قارالى.
بۇكتەلىپ شاپقان تۇلپارىڭ،
قيالاپ ۇشقان سۇڭقارىڭ.
جىرلايدى كىمدەر كوركەمدەپ،
بۇلدىرگەن تولى قىرقانى،
الاتاۋ بۇگىن قارالى.
جىر جازار جانات ولكەم دەپ،
كوك ورمان تاۋلار ەڭسەڭدى.
ارىسى كەتىپ اقىنى،
تابيعات قالدى كەمسەڭدەپ،
الا تاۋ بۇگىن قارالى.
ابايداي كەتتى اقىندار!
ورالماي كەتەر اسىلدار.
وياتار سەنى ال كىمدەر،
تابىيعات جىلار قاقىڭ بار،
الا تاۋ بۇگىن قارالى.
تۋعان جەر قالدى تۋعانى،
شاق دەيتىن كەلىپ جىلانى.
ەتەگىن جۋىپ ەگىلە.
كوزىنىڭ جاسىن بۇلادى،
جايىردىڭ ەلى قارالى.
حالقىڭدا قالدى كوك ورمان،
حات قالدى -قالار كوپ ارمان.
جالعايتىن ءىزىن قالسا ەكەن،
اقىن بوپ ۇرپاق ولاردان
حالقىمدا بۇگىن قارالى...