ب ا ق تۋرالى زاڭ قوعامدىق جانە ساراپتامالىق تالقىلاۋ نەگىزىندە قايتا قارالادى - مينيستر
18 ناۋرىز 13:16

ب ا ق تۋرالى زاڭ قوعامدىق جانە ساراپتامالىق تالقىلاۋ نەگىزىندە قايتا قارالادى - مينيستر

نۇر-سۇلتان. قازاقپارات - بۇقارالىق اقپارات قۇرالدارىنىڭ ءرولىن، مارتەبەسىن جانە جاۋاپكەرشىلىگىن نىعايتۋ بويىنشا ءبىرقاتار مىندەت تۇر.

بۇل تۋرالى ۇكىمەت وتىرىسىندا ق ر اقپارات جانە قوعامدىق دامۋ ءمينيسترى اسقار وماروۆ ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسى «جاڭا قازاقستان: جاڭارۋ جانە جاڭعىرۋ جولى» اتتى جولداۋىندا بۇقارالىق اقپارات قۇرالدارىنىڭ باسەكەگە قابىلەتتىلىگىن ارتتىرۋ جانە ازاماتتىق قوعام ينستيتۋتتارىنىڭ ءرولىن نىعايتۋ بويىنشا ءبىرقاتار مىندەتتەر قويدى. اقپارات سالاسى بويىنشا توقتالساق، مەملەكەت باسشىسى اتاپ وتكەندەي، اشىق اقپاراتتىق كەڭىستىك پەن باسەكەگە قابىلەتتى وتاندىق بۇقارالىق اقپارات قۇرالدارىن قۇرۋعا ەرەكشە نازار اۋدارۋ قاجەت. بۇگىنگى تاڭدا مينيسترلىك الدىندا بۇقارالىق اقپارات قۇرالدارىنىڭ ءرولىن، مارتەبەسىن جانە جاۋاپكەرشىلىگىن نىعايتۋ بويىنشا ءبىرقاتار مىندەت تۇر»، - دەدى ا. وماروۆ.

وسىعان بايلانىستى، مينيسترلىكتىڭ جۇمىسى، ەڭ الدىمەن، كەلەسى مىندەتتەردى شەشۋگە باعىتتالاتىن بولادى: بىرىنشىدەن، قوعامنىڭ سۇرانىسى مەن مەملەكەت مۇددەسىن ەسكەرە وتىرىپ، بۇقارالىق اقپارات قۇرالدارى تۋرالى زاڭى قايتا قارالاتىن بولادى. بۇل پروتسەسس كەڭ قوعامدىق جانە ساراپتامالىق تالقىلاۋ نەگىزىندە جۇزەگە اسىرىلاتىنىن اتاپ ءوتۋ ماڭىزدى.

وسىلايشا، جۋرناليستىك قوعامداستىقتىڭ اعىمداعى زاڭناماعا قاتىستى بارلىق وزەكتى ماسەلەلەرى ەسكەرىلەتىن بولادى. ەكىنشىدەن، ازاماتتىق ب ا قىلاۋدى جۇزەگە اسىراتىن «ءتورتىنشى بيلىك» رەتىندە ارەكەت ەتەتىن بۇقارالىق اقپارات قۇرالدارى ءۇشىن اشىق باسەكەلەستىك ورتا داميتىن بولادى.

«ۇشىنشىدەن، مەملەكەتتىك اقپاراتتىق جۇمىس بويىنشا جاڭا تاسىلدەر ازىرلەنەتىن بولادى»، - دەدى مينيستر.

جاڭالىقتار