سەنات قوس ازاماتتىققا تيىم سالاتىن قۇجاتتى قابىلدادى
17 ناۋرىز 11:25

سەنات قوس ازاماتتىققا تيىم سالاتىن قۇجاتتى قابىلدادى

نۇر-سۇلتان. قازاقپارات - پارلامەنت سەناتىنىڭ جالپى وتىرىسىندا «دەربەس دەرەكتەر الماسۋ سالاسىنداعى اكىمشىلىك ماسەلەلەر بويىنشا ءوزارا قۇقىقتىق كومەك تۋرالى كەلىسىمدى راتيفيكاتسيالاۋ تۋرالى» زاڭى قابىلداندى، دەپ حابارلايدى قازاقپارات ءتىلشىسى.

بۇل كەلىسىم ت م د ەلدەرىنىڭ وكىلەتتى ورگاندارى اراسىندا جاسالدى. قۇجات اقپارات الماسۋدىڭ قۇقىقتىق نەگىزىن انىقتايدى. كەلىسىمگە 2020 -جىلى جەلتوقساندا مەملەكەت باسشىلارى كەڭەسىنىڭ وتىرىسىندا قول قويىلدى.

«كەلىسىمدى راتيفيكاتسيالاۋ ت م د ەلدەرىنەن ازاماتتىقتىڭ بولۋى نەمەسە بولماۋى، جەكە باستى كۋالاندىراتىن قۇجاتتار، كوشى-قون ەسەبىندە تۇرعان ادامدار، شەتەلدىكتەرگە وسى ەلدەرگە كەلۋگە جانە وندا بولۋعا بەرىلگەن ۆيزالار، قىلمىستىق نەمەسە اكىمشىلىك جاۋاپقا تارتىلعانى تۋرالى مالىمەتتەردى الۋعا بولادى. اتالعان قۇجات قوس ازاماتتىقتى بولدىرماۋعا مۇمكىندىك بەرەدى»، - دەدى ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ.

بۇدان باسقا كەلىسىم بويىنشا قوسىمشا اقپاراتتى الۋعا بولادى. باسقا ەلدەن الىنعان جەكە باسىن كۋالاندىراتىن قۇجاتتاردى جوعالتقان كەزدە ادامنىڭ كىم ەكەنىن، ازاماتتىڭ شەتەلدە تۇراتىن جەرىن انىقتاۋعا مۇمكىندىك بەرەدى. سونىمەن قاتار، اكىمشىلىك نەمەسە قىلمىستىق قۇقىق بۇزۋشىلىق جاساعانى ءۇشىن ادامداردى جاۋاپقا تارتۋ تۋرالى مالىمەتتەر قۇقىقتىق كومەك كورسەتۋ اياسىندا پايدالانىلۋى مۇمكىن. بۇل اقپاراتتاردى وكىلەتتى ورگاندار سۇراۋ سالۋ ارقىلى الادى. جاۋاپ مەرزىمى ەكى ايدان اسپاۋى ءتيىس.

«بۇل رەتتە كەلىسىمدە ازماتتارعا قاتىستى مالىمەتتەردىڭ قۇپيالىعى، ول دەرەكتەردى پايدالانۋعا شەكتەۋلەر، سونداي-اق سۇراۋ سالۋدى قاناعاتتاندىرمايتىن تالاپتار ناقتى جازىلعان. قۇجاتتى راتيفيكاتسيالاۋ تمد ەلدەرىندەگى قۇزىرەتتى ورگانداردىڭ ءوزارا ءىس-قيمىلىنىڭ تيىمدىلىگىن ارتتىرۋعا مۇمكىندىك بەرەدى. زاڭ جوباسى ەلىمىزدىڭ بارلىق مۇددەلى مەملەكەتتىك ورگاندارىمەن كەلىسىلدى»، - م. قوجايەۆ.

جاڭالىقتار