بۇل جولداۋدا ءبىز كورگىمىز كەلەتىن رەفورمالار كورىنىس تاپتى - گەرمانيانىڭ قازاقستانداعى ەلشىسى
«بۇگىن ءبىز رەفورمالار تۋرالى ماڭىزدى ۇسىنىستاردى ەستىدىك. بۇل ءبىز قازاقستاندا ىسكە اسقانىن كورگىمىز كەلەتىن رەفورمالار دەپ ايتۋعا بولادى. مەن ءۇشىن ازاماتتاردى شەشىم قابىلداۋدىڭ بارلىق دەڭگەيىنە ارالاستىرۋ، ءماجىلىستىڭ وكىلەتىن ورتالىقسىزداندىرۋ سياقتى باستامالار ەڭ قىزىقتى تۇسى بولعان سياقتى. مەنىڭ ويىمشا، بۇل ۇسىنىستار ەلدىڭ ءارى قارايعى ەكونوميكالىق جانە ساياسي تۇرعىدا دامۋىندا ماڭىزدى ءرول اتقارادى»، - دەدى مونيكا يۆەرسەن.
سونداي- اق، ەلشى جولداۋدا ايتىلعان كەيبىر ماسەلەلەردى شەشۋدەگى گەرمانيانىڭ تاجىريبەسىنە توقتالدى.
«كونستيتۋتسيالىق سوت قۇرۋدا گەرمانيانىڭ تاجىريبەسى جاقسى تانىس. مۇنداي جۇيەدە ادامدار ەڭ جوعارى دەڭگەيدە جۇگىنە الادى. سونداي- اق، ۇكىمەتتى ورتالىقسىزداندىرۋ جانە وڭىرلىك ورتالىقتارعا، ءوزىن- ءوزى باسقارۋ ينستيتۋتتارىنا كوبىرەك وكىلەت بەرۋ تۋرالى ايتىلدى. جەرگىلىكتى اكىمدىكتەردىڭ رەسمي وكىلدەرى حالىققا جاقىنىراق بولىپ، ولاردىڭ مۇقتاجدىقتارىنا بۇرىنعىدان جاقسىراق ءۇن قاتاتىن بولادى. بۇل بۇكىل وڭىرلەردى قارجىلاندىرۋ جۇيەسىن جەتىلدىرەدى. ماعان ب ا ق- تاعى ءسوز ەرككىندىگى مەن ساياسي پروتسەستەرگە ازاماتتىق قوعامنىڭ اتسالىسۋى تۋرالى ايتىلعانى قاتتى ۇنادى. گەرمانيادا وسىنداي تاجىريبە بار. ب ا ق وتە وزەكتى سۇراقتار قويا الادى. ورگانداردى جاۋاپكەرشىلىكككە تارتا الادى. مۇنى اتالعان ورگانداردى جاۋاپكەرشىلىككە تارتۋدىڭ جاقسى ءتاسىلى دەپ قاراۋعا بولادى»، - مونيكا يۆەرسەن.
اۆتور: ەسىمجان ناقتىباي