تاريحي وتانىنا كوشكىسى كەلەتىن قانداستار ەڭ الدىمەن نە ىستەۋى كەرەك
بۇل سۇراققا «وتانداستار قورى» ك ە ا ق باسپا ءسوز قىزمەتى جاۋاپ بەردى، دەپ حابارلايدى قازاقپارات.
قور ارنايى تۇسىرگەن ۆيدەوروليككە سەنسەك، شەتەلدەگى ەتنيكالىق قازاقتار ەڭ اۋەلى قونىستاناتىن اۋىل-ايماق، ەلدىمەكەندى انىقتاپ العانى ءجون.
«ءسىز ەلدىڭ كەز كەلگەن وڭىرىنە كوشىپ كەلە الاسىز. دەگەنمەن قانداستاردىڭ كوشىپ كەلۋىنە باسىمدىق بەرىلىپ، كۆوتا قاراستىرىلعان ايماقتار بار. ولار - س ق و، ش ق و، پاۆلودار، اقمولا جانە قوستاناي وبلىستارى. وندا تاريحي وتانىنا ورالعان ازاماتتارعا ءتيىستى جاعداي جاسالعان. قوردىڭ سايتىندا ءار وبلىستاعى ءوزىڭىز تاڭداعان ەلدىمەكەننىڭ ەرەكشەلىكتەرى، الەۋمەتتىك جاعدايى، ەكونوميكاسى، دەموگرافيالىق احۋالى جايلى اقپارات جاريالانعان» دەلىنگەن مالىمەتتە.
قازاقستانعا كوشىپ كەلۋگە قاتىستى جان-جاقتى اقپاراتتى سونداي-اق 1404 جەدەل جەلىسىنە حابارلاسىپ، سۇراپ بىلۋگە بولادى.