ق ر س ءى م: ۋكرايناداعى قازاقستاندىقتار پولشا شەكاراسىنا قاراي جولعا شىقتى

نۇر-سۇلتان. قازاقپارات – ق ر سىرتقى ىستەر مينيسترلىگى قازاقستان ازاماتتارىن ۋكراينادان ەلىمىزگە ورالۋىن ۇيىمداستىرۋ بويىنشا جۇمىستى جالعاستىرۋدا، دەپ حابارلايدى قازاقپارات.

ۋكرايناداعى ق ر ازاماتتارىنىڭ وتىنىشتەرى ءۇشىن قازاقستاننىڭ كيەۆتەگى ەلشىلىگىندە، سونداي- اق ق ر س ءى م- دە «جەدەل جەلى» اشىلدى. سونداي-اق، دنەپر، لۆوۆ، ودەسسا جانە حاركوۆ قالالارىنداعى ق ر قۇرمەتتى كونسۋلدارى جۇمىلدىرىلدى.

بۇل كەشەندى جۇمىسقا پولشا، مولدوۆا مەن بەلارۋستەگى ءبىزدىڭ شەتەلدىك مەكەمەلەرىمىز دە قوسىلدى. بۇگىنگى كۇنى ەۆاكۋاتسيالاۋعا كومەك كورسەتۋ تۋرالى 528 ءوتىنىش كەلىپ ءتۇستى. قازاقستان ازاماتتارى نەگىزىنەن ۋكراينانىڭ كەلەسى وڭىرلەرىندە تۇرادى: كيەۆ قالاسى مەن كيەۆ وبلىسىندا - 264 ادام، ودەسسا وبلىسىندا - 30، حاركوۆ وبلىسىندا - 18، لۆوۆ وبلىسىندا - 17، دنەپروپەتروۆسك وبلىسىندا - 13، پولتاۆا وبلىسىندا - 7، چەركاسسك وبلىسىندا - 4، لۋگانسك وبلىسىندا - 2، يۆانو- فرانكوۆسك وبلىسىندا - 2، جيتومير وبلىسىندا - 2 ادام.

قازىرگى ۋاقىتتا ءبىزدىڭ ازاماتتار اۆتوكولىكپەن قازاقستاندىق ديپلوماتتارمەن بىرگە كيەۆ جانە لۆوۆ قالالارىنان پولشانىڭ شەكاراسىنا قاراي جولعا شىقتى. ۆارشاۆاداعى ءبىزدىڭ ەلشىلىك جەرگىلىكتى بيلىكپەن بىرلەسىپ، قازاقستان ازاماتتارى ءۇشىن شەكارادان كاتوۆيتسە قالاسىنىڭ (پولشا) اۋەجايىنا جەتۋ ءۇشىن «جاسىل ءدالىز» قامتاماسىز ەتەدى.

رەپاترياتسيالىق رەيستىڭ جولاۋشىلارى ۋكراينا- پولشا شەكاراسىن كەدەرگىسىز (ۆيزاسىز) كەسىپ وتەدى، سونداي-اق مىندەتتى كارانتيننەن، پ ت ر تەستتەرىن تاپسىرۋدان جانە ۆاكسيناتسيا پاسپورتتارىن ۇسىنۋدان بوساتىلادى.

العاشقى رەپاترياتسيالىق رەيس 26 اقپاندا تاڭەرتەڭ ۇشادى. ۇشاق كاتوۆيتسە قالاسىنىڭ اۋەجايىنان ۇشىپ شىعىپ، اتىراۋ قالاسىنا تەحنيكالىق قونعاننان كەيىن الماتى قالاسىنا ۇشىپ جەتۋى ءتيىس. الداعى ۋاقىتتا باسقا دا رەپاترياتسيالىق رەيستەر ۇيىمداستىرىلادى. وسىعان بايلانىستى ۋكراينانىڭ ءارتۇرلى قالالارىنداعى قازاقستاندىقتاردان قازاقستان رەسپۋبليكاسىنىڭ كيەۆتەگى ەلشىلىگىنە حابارلاسۋدى جانە ءوزىنىڭ ورنالاسقان جەرى تۋرالى حابارلاۋدى سۇرايمىز.

مۇمكىندىك بولعان جاعدايدا، پولشا شەكاراسىنا دەيىن ۇيىمداسقان تۇردە جەتۋ ءۇشىن لۆوۆ نەمەسە كيەۆ قالالارىنا ءوز بەتىمەن بارۋدى ۇسىنامىز. جول-كولىك جاعدايىنىڭ كۇردەلى بولۋىنا جانە ۋكرايناداعى اسكەري ارەكەتتەردىڭ جالعاسۋىنا بايلانىستى بۇل قيىندىق تۋدىرۋ مۇمكىن. مۇنداي جاعدايدا وزدەرىڭىز ورنالاسقان مەكەندەرىڭىزدە قالۋدى، ق ر ەلشىلىگىمەن جانە قۇرمەتتى كونسۋلدىقتارىمەن ۇنەمى بايلانىستا بولۋدى سۇرايمىز. جاعداي انىقتالعاننان كەيىن ءبىزدىڭ ازاماتتارعا بارلىق قاجەتتى كومەك كورسەتىلەدى. بۇعان دەيىن ۋكرايناداعى قازاقستاندىقتار پولشا ارقىلى ەلگە جەتكىزىلمەك جەتكىزىلەتىنى ايتىلدى.