قىتايدا جانكۇيەرى ديماش قۇدايبەرگەندى تاڭعالدىردى
ديماش قۇدايبەرگەن Instagram-دا جاريالانعان ۆيدەودا ونى جانكۇيەرلەر قورشاپ تۇرعانى كورىنەدى. كادرلاردا ديماش ولاردى مۇقيات تىڭداپ، باقىلاپ تۇر. ءبىر ساتتە جينالعانداردىڭ ءبىرى ءان شىرقاي باستايدى، ال ءاننىڭ سوڭىن قازاق تىلىندە ايتادى. مۇنى ەستىگەن ديماش تاڭعالعانىن جاسىرمايدى. وسىدان كەيىن ول جانكۇيەرىمەن قول الىسادى.
«قىتاي قالالارىنىڭ ءبىرىنىڭ اۋەجايىندا تۇسىرىلگەن ۆيدەو. ەر ادام ءانىمنىڭ سوڭعى جولدارىن قازاقشا ايتقاندا، تاڭعالدىم»، - دەپ جازدى ءانشى Instagram-پاراقشاسىندا.
شاماسى، جانكۇيەر ديماش قۇدايبەرگەننىڭ «ۇمىتىلماس كۇن» ءانىن شىرقاسا كەرەك، ول ءانىڭ سوڭىندا «اڭسارىم دا ارداعىم سەن» دەگەن جولداردى ايتادى.
بۇعان دەيىن ءانشى قىتايدان رەسەيگە جاڭا انگە بەينەبايان تۇسىرۋگە ۇشىپ كەلگەنىن ايتقان بولاتىن.
«ءبىز سانكت- پەتەربۋرگ قالاسىندامىز. رەسەيدە ەكى اپتاعا جۋىق ۋاقىت بولامىن، ويتكەنى كونسەرتتەرگە قاتىسامىن، تەلەباعدارلامالارعا تۇسەمىن»، - دەپ جازدى ول.