18:56, 13 - اقپان 2022 | GMT +6
وليمپياداعى فريستايلدان اكروباتيكا جارىسى ءبىر كۇنگە شەگەرىلدى
نۇر-سۇلتان. قازاقپارات - بۇگىن بەيجىڭ وليمپياداسىندا ءوتۋى ءتيىس فريستايل اكروباتيكا جارىسى اۋا رايىنىڭ قولايسىزدىعىنا بايلانىستى ءبىر كۇن كەيىنگە شەگەرىلدى، دەپ حابارلايدى قازاقپارات ءتىلشىسى.
ق ر ۇلتتىق وليمپيادالىق كوميتەتى تاراتقان حابارلامادا «بۇگىن وليمپيادادا ايەلدەر اراسىنداعى فريستايل اكروباتيكا جارىسىنىڭ ىرىكتەۋ مەرزىمى وزگەردى. مۇنداي شەشىم شارا وتەتىن جەردە اۋا رايىنىڭ قولايسىزدىعىنا بايلانىستى قابىلدانعان. ەندى ول 14- اقپانعا اۋىستىرىلدى. ناقتى ۋاقىت كەيىنىرەك انىقتالادى»، - دەلىنگەن حابارلامادا.
ەستەرىڭىزگە سالا كەتەيىك، فريستايل-اكروباتيكادان ايەلدەر اراسىنداعى ىرىكتەۋ جارىس كەستەسىنە سايكەس، بۇگىن نۇر-سۇلتان ۋاقىتمەن 17:00 دە ءوتۋى ءتيىس بولاتىن.
بۇل دودادا جانبوتا الدابەرگەنوۆا، اقمارجان قالمۇرزايەۆا باق سىنايدى.
اۆتور: كۇنسۇلتان وتارباي