ەرلان قارين ەۋروپا وداعىنىڭ ورتالىق ازيا بويىنشا ارناۋلى وكىلىمەن كەزدەستى
8 اقپان, 07:21

ەرلان قارين ەۋروپا وداعىنىڭ ورتالىق ازيا بويىنشا ارناۋلى وكىلىمەن كەزدەستى

نۇر- سۇلتان. قازاقپارات – ق ر مەملەكەتتىك حاتشىسى ەرلان قارين ەۋروپا وداعىنىڭ ورتالىق ازيا بويىنشا ارناۋلى وكىلى تەري حاكالامەن كەزدەستى.

قازاقپارات بۇل تۋرالى اقورداعا سىلتەمە جاساپ حابارلايدى.

كەزدەسۋ بارىسىندا مەملەكەتتىك حاتشى مەن ە و- نىڭ ارناۋلى وكىلى قازاقستان مەن ەۋروپا وداعى اراسىنداعى ارىپتەستىكتىڭ بارلىق باعىتتارىن، سونداي- اق ايماقتىڭ كەڭ اۋقىمداعى ماسەلەلەرىن تالقىلادى. مەملەكەتتىك حاتشى ەلىمىزدىڭ سىرتقى ەكونوميكالىق جانە ينۆەستيتسيالىق ارىپتەسى ەۋروپا وداعىمەن ىقپالداستىقتى بارلىق باعىتتا دامىتۋعا باسىمدىق بەرەتىنىن اتاپ ءوتتى.

سونىمەن قاتار ەرلان قارين مەملەكەت باسشىسىنىڭ جاڭا باستامالارى مەن قوعامدىق كەلىسىم پروتسەسسىن دامىتۋ جايىندا ايتتى. ءوز كەزەگىندە تەري حاكالا ەۋروپا وداعى ەلىمىزدە جۇزەگە اساتىن رەفورمالارعا جان- جاقتى قولداۋ كورسەتەتىنىن جەتكىزدى.

جاڭالىقتار