رونالدۋ ينستاگرامدا وقىرماندار سانى بويىنشا الەمدىك رەكورد ورناتتى

نۇر -سۇلتان. قازاقپارات - «مانچەستەر يۋنايتەد» جانە پورتۋگاليا قۇراماسىنىڭ شابۋىلشىسى كريشتيانۋ رونالدۋ Instagram الەۋمەتتىك جەلىسىندەگى وقىرماندار سانى بويىنشا رەكورد ورناتتى، - دەپ حابارلايدى Gazeta.ru سايتى.

37 جاستاعى شابۋىلشىعا جازىلۋشىلار سانى 400 ميلليونعا جەتكەن. بۇل بۇكىل پلانەتا تۇرعىندارى اراسىنداعى ءابسوليۋتتى رەكورد. ءقازىر الەۋمەتتىك جەلىنىڭ وزىندە 469 ميلليون وقىرمان بار.

وقىرماندار سانى بويىنشا فۋتبولشىنىڭ باسەكەلەستەرى - امەريكالىق مودەل كايلي دجەننەر (308 ميلليون) مەن ارگەنتينالىق «پاري سەن- جەرمەن» كلۋبىنىڭ شابۋىلشىسى ليونەل مەسسي (306 ميلليون).