ءبىز كورشىلەردى اۋىستىرا المايمىز - پرەزيدەنت قىتايمەن ىنتىماقتاستىق تۋرالى
«قىتايعا كەلەتىن بولساق، بۇل ءبىزدىڭ ەڭ جاقىن كورشىمىز، قۇداي قوسقان كورشى دەۋگە بولادى. ءبىز كورشىلەرىمىزدى اۋىستىرا المايمىز. ەكىنشىدەن، قىتاي ءوزىنىڭ ەكونوميكالىق دامۋىندا تابىستارعا جەتتى. ولارمەن ىنتىماقتاسۋىمىز كەرەك. بىزدەگى اۋىلشارۋاشىلىق تاۋارىن وندىرۋشىلەر قىتاي نارىعىنا ۇلكەن ءۇمىت ارتادى. قىتايعا قارسى نارازىلىقتاردى ۇيىمداستىراتىن ادامدار ءبىزدىڭ ەكونوميكالىق جاعدايىمىزدى اسا تۇسىنبەۋى مۇمكىن. بالكىم ولارعا اقشا دا تولەنەتىن شىعار. قالاي بولعاندا دا، قىتاي بىزگە ەش جاماندىق جاساعان جوق»، - دەدى قاسىم- جومارت توقايەۆ.
پرەزيدەنتتىڭ ايتۋىنشا، وتكەن جىلدىڭ 11 ايىندا ەكى مەملەكەت اراسىنداعى ساۋدا كولەمى 17 ميلليارد دوللارعا جەتكەن.
«ءبىز ودان ءارى دە دامۋعا مۇددەلىمىز. بىزگە قىتايدى زەرتتەۋ كەرەك، قىتاي ءتىلىن ۇيرەنۋ كەرەك. ارينە، قوس قولىمىزدى كوتەرىپ، بەرىلۋ كەرەك دەپ جاتقان جوقپىن، ونىڭ ۇلكەن ەل ەكەنىن ءتۇسىنىپ، ىنتىماقتاستىق ورناتۋىمىز كەرەك»، - دەدى مەملەكەت باسشىسى.