USD 424.84 EUR 453.6
RUB 7.3 CNY 63.91
جاڭالىقتار

ءبارى ويداعىداي: قازاقستان قۇراماسى وليمپيدالىق قالاشىقتارعا ورنالاستى

29 قاڭتار 09:49
:ءبولىسۋ
ءبارى ويداعىداي: قازاقستان قۇراماسى وليمپيدالىق قالاشىقتارعا ورنالاستى

بەيجىڭ. قازاقپارات - قازاقستاندىق كوماندالار قىتايعا جەتىپ، وليمپيادالىق قالاشىقتارعا ءساتتى ورنالاستى، دەپ حابارلايدى قازاقپارات ق ر ۇلتتىق وليمپيادا كوميتەتىنە سىلتەمە جاساپ.

قىسقى وليمپيادا ويىندارى ءۇش كلاستەردە، اتاپ ايتقاندا، بەيجىڭ، جاڭجياكوۋ جانە يانتسين ايماقتارىندا وتەدى. مۇز ايدىنىنداعى بارلىق جارىس بەيجىڭدە وتەدى. قىتاي استاناسىنداعى وليمپيادالىق قالاشىقتا كونكيمەن جۇگىرۋ جانە شورت- ترەكتەن قازاقستان قۇرامالارى ورنالاستى. وليمپيادالىق كارتاداعى ەڭ الىس ايماق - كورشى حەبەي پروۆينتسياسىندا ورنالاسقان تاۋلى جاڭجياكوۋ بولدى. وندا فريستايل- موگۋل، ترامپليننەن شاڭعىمەن سەكىرۋ، شاڭعى جارىسى جانە شاڭعى قوسسايىسى بويىنشا قۇراما كوماندالار جايعاستى. ال يانتسيندە تاۋ شاڭعىسىنىڭ سپورتشىلارى ورنالاستى.

«بەيجىڭگە كەلىپ، مىندەتتى پ ت ر سىناقتارىنان وتكەننەن كەيىن بىردەن وليمپيادالىق قالاشىقتارىنا باردىق. بەيجىڭ مەن جاڭجياكوۋ اراسىنداعى جول 3 ساعاتقا سوزىلادى. ءبىزدىڭ فريستايل- موگۋل، ترامپليننەن شاڭعىمەن سەكىرۋ جانە شاڭعى قوسايىسى قۇراما كوماندالار وسىندا بولدى. باسقا كوماندالاردى كۇتەمىز. ءبارى ويداعىداي. مۇندا كۇن اشىق بولعانىمەن، سۋىقتاۋ. ال سپورتشىلاردىڭ كوڭىل كۇيى ءبىرقالىپتى، جاقسى. ءبىزدىڭ قالاشىققا ورنالاسۋىمىز حالىقارالىق وليمپيادا كوميتەتىنىڭ پرەزيدەنتى توماس باحتىڭ وليمپيادالىق قالاشىققا ساپارىمەن تۇسپا- تۇس كەلدى. ول سپورتشىلارمەن تىلدەسىپ، الداعى جارىستاردا ساتتىلىك تىلەدى. وليمپيادا ويىندارى - كەز كەلگەن سپورتشىنىڭ ومىرىندەگى وتە ماڭىزدى وقيعا. بۇل كەزدەسۋ ءبىزدىڭ سپورتشىلاردى بۇرىنعىدان دا قاناتتاندىرىپ، شابىتتاندىردى دەپ ويلايمىن»، - دەپ اتاپ ءوتتى قازاقستان رەسپۋبليكاسى ۇلتتىق شاڭعى قاۋىمداستىعىنىڭ باس حاتشىسى اسقار ۆاليەۆ.

كەزدەسۋ بارىسىندا وليمپيادالىق ءداستۇر دە ساقتالىپ، حوك باسشىسى سپورتشىلارمەن ەستەلىك توسبەلگىلەرىمەن الماستى.

«وليمپيادالىق قالاشىققا كەلگەندەگى سەزىمىم ەرەكشە، ونى سوزبەن ايتىپ جەتكىزۋ مۇمكىن ەمەس. مۇندا بارلىعى وتە جوعارى دارەجەدە ۇيىمداستىرىلعان. كوماندامىز دا ءوز كەزەگىندە بۇل ستارتقا تاس ءتۇيىن دايىن. جان- جاقتى، پسيحولوگيالىق جانە فيزيكالىق تۇرعىدان دايىندالدى. العاشقى كۇنى- اق حوك باسشىسى توماس باحپەن ​​كەزدەستىك. ول ماعان ءبىر- ەكى سيمۆولدىق سۇراق قويىپ، كوڭىل- كۇيىمدى، قوبالجۋ بار- جوعىن سۇرادى. سونداي- اق، ارينە، ساتتىلىك تىلەدى»، - دەپ ءبولىستى فريستايل- موگۋلدان قازاقستان قۇراماسىنىڭ مۇشەسى اناستاسيا گورودكو.


ايتا كەتەيىك، قازاقستان قۇراماسىنىڭ سپورتشىلارى اراسىندا جارىسقا ءبىرىنشى بولىپ موگۋلشىلار شىعادى. موگۋل بويىنشا ىرىكتەۋ جارىستارى وليمپيادا ويىندارىنىڭ اشىلۋ سالتاناتىنا دەيىن، 3 -اقپاندا وتەدى. XXIV قىسقى وليمپيادا 4-20 اقپان ارالىعىندا وتەدى. وعان قازاقستان قۇراماسىنان بارلىعى 34 سپورتشى قاتىسادى، ولار 87 جولداما جەڭىپ الدى. قازاقستاندىقتار شاڭعى جارىسى، فريستايل اكروباتيكا جانە موگۋل، كونكيمەن جۇگىرۋ، شورت- ترەك، بياتلون، تاۋ شاڭعىسى، تۇعىردان سەكىرۋ، شاڭعى قوسسايىسى سياقتى 8 سپورت تۇرىنەن سىنعا تۇسەدى. ويىنداردى «Qazaqstan« «Qazsport»، «حابار» جانە «el arna» تەلەارنالارىنان تىكەلەي ەفيردەن كورۋگە بولادى. ءتورتجىلدىق دودانىڭ اشىلۋ سالتاناتى نۇر- سۇلتان ۋاقىتىمەن 4-اقپان كۇنى، ساعات 17:55-تە باستالادى.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات