ۇيىقتاي الماۋدىڭ نەگىزگى سەبەبى

نۇر-سۇلتان. قازاقپارات - ۇيىقتاي الماۋدىڭ باستى سەبەپتەرىنىڭ ءبىرى - اعزادا D دارۋمەنىنىڭ جەتپەۋى. بۇل - عالىمداردىڭ جۇرگىزگەن زەرتتەۋىنەن شىققان قورىتىندى.

زەرتتەۋشىلەر 20-50 جاستاعى ادامداردى ەكى توپقا ءبولىپ، سەگىز اپتا بويى تاجىريبە جۇرگىزگەن. ءبىرىنشى توپقا كۇندە 3500 م ە (D دارۋمەنىن ولشەۋدىڭ حالىقارالىق بىرلىگى) ولشەمىندە D دارۋمەنىن بەرىپ وتىرسا، ەكىنشى توپقا بەرمەگەن. تاجىريبە قورىتىندىسىنان بەلگىلى بولعانداي، D دارۋمەنىن ىشكەن ادامداردىڭ ۇيقىسى جاقسارىپ، كەيبىرىنىڭ ۇيقىسى ءبىر ساعاتقا دەيىن ۇزارعان ەكەن. مۇنداي ادامداردىڭ كوڭىل كۇيى دە جاقسارعان، دۇرىس دەمالا العان.

ال ەكىنشى توپتا ەش وزگەرىس بولعان جوق.

ۇيقىنىڭ دۇرىس قانباۋى، دۇرىس ۇيىقتاماۋ سوزىلمالى اۋرۋلاردى تۋدىرۋى مۇمكىن. ماسەلەن، تولۋ، دەپرەسسياعا دۋشار بولۋ، قان-جۇرەك اۋرۋلارىنا شالدىعۋ ۇيقىسىزدىقتان.

ال D دارۋمەنىن كوبەيتۋگە بالىق ەتى، جۇمىرتقانىڭ سارىسى مەن مالدىڭ باۋىر ەتىن جەۋ كومەكتەسەدى.

massaget.kz