گولوۆكيننىڭ پروموۋتەرى «كانەلومەن» تريلوگيا تۋرالى مالىمدەمە جاسادى

نۇر-سۇلتان. قازاقپارات - Matchroom Boxing كومپانياسىنىڭ باسشىسى ەددي حيرن ءوزىنىڭ پروموۋشەنى DAZN ستريمينگىلىك سەرۆيسىمەن بىرلەسىپ، ەكىنشى ورتا سالماقتاعى ابسوليۋتتى الەم چەمپيونى ساۋل «كانەلو» الۆارەسكە گەننادي گولوۆكينمەن ءۇشىنشى ايقاستى قامتيتىن ەكى جەكپە-جەككە ۇسىنىس جاساعانىن راستادى، دەپ حابارلايدى قازاقپارات Sports.kz كە سىلتەمە جاساپ.
تاياۋدا ESPN ينسايدەرى مايك كوپپيندجەر الۆارەستىڭ حيرننان 7- مامىردا جارتىلاي اۋىر سالماقتاعى الەم چەمپيونى رەسەيلىك دميتري بيۆولمەن، كەيىن 17- قىركۇيەكتە GGG- مەن تريلوگيانى اياقتاۋ تۋرالى ۇسىنىس العانىن جازدى.
Matchroom Boxing-تىڭ باسەكەلەستەرى ەل حەيمون مەن PBC «كانەلوعا» ورتا سالماقتاعى WBC الەم چەمپيونى دجەرمالل چارلونى ۇسىنىپ وتىر.
«ەددي رەينوسو مەن ساۋل كەلەسى ايقاسىنا قاتىستى جوسپار قۇرۋدى باستادى. ءبىز تەك ءوز ويىمىزدى ايتىپ جاتىرمىز. كەلەسى اپتادا «كانەلومەن» جانە ەدديمەن كەزدەسۋگە بارىپ، ولاردىڭ نە ويلايتىنىن ءبىلىپ قايتامىن. مەن ۇنەمى ايتىپ ءجۇرمىن، ولار وزدەرىنە قاجەت جانە وزدەرىن ىنتالاندىراتىن، قىزىقتىراتىن نۇسقانى تاڭدايدى. ول ءبىز جانە DAZN ۇسىنىپ وتىرعان نۇسقا بولادى دەپ ۇمىتتەنەمىز. بيۆول مەن گولوۆكينمەن جەكپە-جەك پە؟ ءيا، بۇل DAZN- نان كورگىمىز كەلەتىن ەكى ايقاس»، - دەپ جاۋاپ بەردى حيرن IFL. TV- گە بەرگەن سۇحباتىندا.
- قازاقستاندىق تەننيسشى العاش رەت چەللەندجەر تۋرنيرىنىڭ جارتىلاي فينالىنا ءوتتى
- الەم چەمپيوناتىنىڭ فينالىندا قازاقستاندىق بوكسشى رينگ يەسىمەن جەكپە-جەككە شىعادى
- ءالىمحان ۇلىنان قاشقان مەكسيكالىق قانات يسلامدى جەڭگەن بوكسشىمەن ايقاسادى
- بەيجىڭ-2022: قازاقستاندىق تۋ ۇستاۋشىلاردىڭ كيىم ۇلگىلەرى «ح و ك مادەني مۇراسى» توپتاماسىنا ەندى
-
قازاقستان قورجىنىنا دۇنيەجۇزىلىك گيمنازيادانىڭ العاشقى 3 كۇنىندە 8 التىن ءتۇستى
-
بوكسشى الۋا بالقىبەكوۆا الەم چەمپيوناتىنىڭ فينالىنا ءوتتى