الماتىدا شەتەل كولىكتەرىن تىركەپ بەرەمىن دەپ جۇرتتى الداعان الاياق ۇستالدى

الماتى. قازاقپارات - الماتىدا شەتەلدىك كولىكتەردى تىركەپ بەرەمىن دەپ جۇرتتى الداعان الاياق ۇستالدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، ي. ەسىمدى ەر ادام «سارافاندىق راديو» ءادىسى ارقىلى شەتەلدىك كولىكتى تىركەۋدەن وتكىزگىسى كەلەتىندەردى تاۋىپ، كەدەندىك راسىمدەۋسىز جاساۋعا ۋادە بەرگەن.

ەر ادام ءوز قىزمەتىن 700 مىڭ تەڭگەگە باعالاعان.

«كۇدىكتى قاماۋعا الىندى. ول الداۋدىڭ ءتورت فاكتىسىن مويىندادى. ونىڭ ارەكەتىنەن كەلتىرىلگەن جالپى شىعىن شامامەن 2,5 ميلليون تەڭگە. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە»، - دەدى تۇركسىب اۋداندىق پوليتسيا باسقارماسى جانىنداعى پوليتسيا ءبولىمىنىڭ باستىعى مەيىرحان جاڭابايەۆ.

پوليتسيا وكىلىنىڭ ايتۋىنشا، كۇدىكتى وسىعان ۇقساس باپ بويىنشا سوتتى بولعان. قازىر ۋاقىتتا كۇدىكتى ۋاقىتشا ۇستاۋ يزولياتورىندا.