مەملەكەتتىك باج الىمىنىڭ جاڭا ءتۇرى ەنگىزىلدى

نۇر-سۇلتان. قازاقپارات - 2022-جىلدىڭ 1- قاڭتارىنان باستاپ قازاقستان رەسپۋبليكاسىنىڭ سالىق كودەكسىنە قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسى شەڭبەرىندە ارىزداردى بەرۋ ءۇشىن مەملەكەتتىك باج الىمىنىڭ جاڭا ءتۇرى ەنگىزىلدى.

بۇل تۋرالى ق ر ق م مەملەكەتتىك كىرىستەر كوميتەتىنەن حابارلادى.

ەنگەن وزگەرىستەرگە سايكەس، تالاپكەر قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسىنىڭ شەڭبەرىندە تالابىن سوتقا بەرگەن جاعدايدا، سول تالاپ بويىنشا ەرەكشە تالاپ قويۋ ىستەرىن، ەرەكشە ءىس جۇرگىزۋ ىستەرىن ارىزدارعا (شاعىمدارعا) سايكەس قاراستىرۋ ءۇشىن، ارىزدانۋشى - 0,5 ا ە ك مولشەرىندە مەملەكەتتىك باجدى تولەۋى قاجەت (2022-جىلى 1532 تەڭگە).

مەملەكەتتىك باجدىڭ تولەۋشىسى - سوتتا مۇددەسى قارالاتىن ءوتىنىش بەرۋشىلەر بولىپ تابىلادى.

مەملەكەتتىك باجدى ءوتىنىش بەرۋشىلەر ءوتىنىشتى بەرگەنگە دەيىن تولەۋى قاجەت.

وتىنىشەردى (شاعىمداردى) قارايتىن سوتتار - ۋاكىلەتتى ورگاندار بولىپ تابىلادى.