USD 422.01 EUR 452.06
RUB 6.75 CNY 62.72
جاڭالىقتار

ق ر ۇكىمەتىنىڭ كەيبىر قۇزىرەتتەرى يندۋستريا مينيسترلىگىنىە بەرىلدى

28 قاڭتار 20:43
:ءبولىسۋ
ق ر ۇكىمەتىنىڭ كەيبىر قۇزىرەتتەرى يندۋستريا مينيسترلىگىنىە بەرىلدى

نۇر-سۇلتان. قازاقپارات - 2021-جىلعى 24- قاراشادا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باسقارۋ دەڭگەيلەرى اراسىنداعى وكىلەتتىكتەردى قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى، دەپ حابارلايدى قازاقپارات.

«وسى زاڭ اياسىندا مەملەكەتتىك رەتتەۋدى ودان ءارى ىسكە اسىرۋ ماقساتىندا ق ر ۇكىمەتىنىڭ كەيبىر قۇزىرەتتەرى ورتالىق مەملەكەتتىك ورگاندارعا بەرىلدى، - دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز مالىمەتىندە.

ونىڭ ىشىندە ق ر يندۋستريا جانە ينفراقۇرىلىمدىق دامۋ مينيسترلىگىنە:

- تەكسەرۋ جۇرگىزىلەتىن كولىك ينفراقۇرىلىمى وبەكتىلەرىنىڭ تىزبەسىن؛

- تەكسەرۋ جۇرگىزىلمەيتىن تۇلعالار ءتىزىمىن؛

- كولىك ينفراقۇرىلىمى وبەكتىلەرىنە اكەلۋگە تىيىم سالىنعان زاتتار مەن قۇرالداردىڭ تىزبەسىن بەكىتۋ بەرىلدى.

كورسەتىلگەن ماسەلەلەر ق ر ۇكىمەتىنىڭ 2014-جىلعى 23- شىلدەدەگى 817№ قاۋلىسىمەن رەگلامەنتتەلگەن. الايدا ۇكىمەتتىڭ كەيبىر قۇزىرەتتەرىن بەرۋگە بايلانىستى ق ر يندۋستريا جانە ينفراقۇرىلىمدىق دامۋ مينيسترلىگى «تەكسەرۋ جۇرگىزىلەتىن كولىك ينفراقۇرىلىمى وبەكتىلەرىنىڭ، ولارعا قاتىستى قاراپ تەكسەرۋ جۇرگىزىلمەيتىن ادامداردىڭ، كولىك ينفراقۇرىلىمى وبەكتىلەرىنە اكەلۋگە تىيىم سالىنعان زاتتار مەن قۇرالداردىڭ تىزبەسىن بەكىتۋ تۋرالى» بۇيرىق جوباسىن ازىرلەدى.

جاڭا قۇقىقتىق اكتىنى قابىلداۋ كولىك ينفراقۇرىلىمى وبەكتىلەرىندە تەكسەرىپ قاراۋدى جۇرگىزۋ تارتىبىنە قانداي دا ءبىر تالاپتاردى قاتاڭداتۋدى نە جاڭا تالاپتاردى ەنگىزۋدى كوزدەمەيدى.

بۇيرىق جوباسىنىڭ تولىق ءماتىنى 2022-جىلعى 8- اقپانعا دەيىن كوپشىلىك تالقىلاۋى ءۇشىن «اشىق ن ق ا» پورتالىندا ورنالاستىرىلعان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات