USD 429.57 EUR 447.35
RUB 6.94 CNY 63.23
جاڭالىقتار

ءاليحان سمايىلوۆ دەنساۋلىق ساقتاۋ جۇيەسىنە اۋديت جۇرگىزۋدى تاپسىردى

28 قاڭتار 18:56
:ءبولىسۋ
ءاليحان سمايىلوۆ دەنساۋلىق ساقتاۋ جۇيەسىنە اۋديت جۇرگىزۋدى تاپسىردى

نۇر-سۇلتان. قازاقپارات - ق ر پرەمەر-ءمينيسترى ءاليحان سمايىلوۆ دەنساۋلىق ساقتاۋ جۇيەسىنىڭ تيىمدىلىگىن ارتتىرۋ ماسەلەلەرى جونىندە كەڭەس وتكىزدى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.

ۇكىمەت باسشىسى دەنساۋلىق ساقتاۋ مينيسترلىگىندەگى جانە الەۋمەتتىك مەديتسينالىق ساقتاندىرۋ قورىنداعى(ءا م س ق) قاراجاتتىڭ تيىمدىلىگىن باقىلاۋدى ۇيلەستىرۋ جانە باعالاۋ جۇيەسىن سىنعا الدى.

2021-جىلى دەنساۋلىق ساقتاۋ سالاسىنا جۇمسالعان مەملەكەتتىك شىعىستار 2,3 تريلليون تەڭگەنى نەمەسە ج ءى ءو- ءنىڭ 2,9 پايىزىن قۇرادى. بۇل رەتتە دەنساۋلىق ساقتاۋعا ارنالعان رەسپۋبليكالىق بيۋدجەت قاراجاتىنىڭ 90 پايىزعا جۋىعىن ءا م س ق اكىمشىلەندىرەدى.

پرەمەر-مينيستر ءا م س ق- نىڭ بارلىق كورسەتكىشتەرى تىم جالپىلانعان ەكەنىن جانە حالىقتىڭ مەديتسينالىق كومەككە، سونداي-اق ولاردى قاناعاتتاندىرۋ ءۇشىن مەديتسينالىق ۇيىمدارعا دەگەن ناقتى قاجەتتىلىگىن ايقىن كورسەتپەيتىنىن اتاپ ءوتتى.

وسىعان بايلانىستى ءا. سمايىلوۆ قور قىزمەتىن باقىلاۋ مەن قاراجاتتى ءتيىمدى جۇمساۋ ينديكاتورلارىنىڭ ناقتى جۇيەسىن ازىرلەۋدى تاپسىردى.

«بۇگىندە وڭىرلەردەگى مەديتسينالىق قىزمەتتەردىڭ 100 پايىزى قوردان قارجىلاندىرىلادى، بۇل حالىققا مەديتسينالىق كومەك كورسەتۋدى ۇيىمداستىرۋ جاۋاپكەرشىلىگىنىڭ تومەندەۋىنە الىپ كەلەدى. بۇل، اسىرەسە، وتكەن جىلدىڭ سوڭىندا الماتى جانە جاڭاوزەن قالالارىندا جەدەل مەديتسينالىق كومەك قىزمەتىن قارجىلاندىرۋ جانە ۇيىمداستىرۋ ماسەلەلەرى تۋىنداعان كەزدە ورىن الدى»، — دەپ ءا. سمايىلوۆ، تەگىن مەديتسينالىق كومەكتىڭ كەپىلدىك بەرىلگەن كولەمىن (ت م ك ك ك) قارجىلاندىرۋدى كەزەڭ-كەزەڭىمەن جەرگىلىكتى دەڭگەيگە بەرە باستاۋدى تاپسىردى.

ۇكىمەت باسشىسى ءا م س ق مەملەكەتتىك قاراجاتتى اكىمشىلەندىرۋدى بىرتىندەپ توقتاتىپ، ساقتاندىرۋ مەديتسيناسىن دامىتۋ ماسەلەلەرىنە جانە قارجىلاندىرۋدىڭ قوسىمشا كوزدەرىن ىزدەۋگە باسا كوڭىل ءبولۋى قاجەت ەكەنىن اتاپ ءوتتى.

پرەمەر-مينيستر از ۋاقىت ىشىندە دەنساۋلىق ساقتاۋ ينفراقۇرىلىمىنا تاۋەلسىز كەشەندى تەحنيكالىق اۋديت جانە تۇگەندەۋ جۇرگىزۋدى، ونىڭ ىشىندە جابدىقتارمەن جانە مەديتسينالىق- تەحنولوگيالىق جۇيەلەرمەن جاراقتاندىرۋدى، انا مەن بالا، ونكولوگيا، تراۆماتولوگيا، كارديو، نەيروحيرۋرگيا، ينفەكتسيالىق اۋرۋلار سياقتى باسىم باعىتتار بويىنشا وڭىرلەردىڭ مەديتسينالىق ينفراقۇرىلىمىن دامىتۋ كارتاسىن ازىرلەۋدى تاپسىردى.

ءا. سمايىلوۆ مەديتسينالىق پەرسونالدى ديپلومنان كەيىنگى وقىتۋ باعدارلاماسىن ازىرلەپ، دەنساۋلىق ساقتاۋ جۇيەسىن زاماناۋي جابدىقتا جۇمىس ىستەي الاتىن جانە جاڭا تەحنولوگيالاردى يگەرە الاتىن كادرلارمەن قامتاماسىز ەتۋ قاجەتتىگىن اتاپ ءوتتى.

ۇكىمەت باسشىسى دەنساۋلىق ساقتاۋ مينيسترلىگىنە ۋاكىلەتتى ورگاندارمەن بىرلەسىپ، از ۋاقىت ىشىندە سالانى باسقارۋ، ينۆەستيتسيالىق جوسپارلاۋ، قارجىلاندىرۋ جانە بيۋجەتارالىق قاتىناستار جۇيەسىن جەتىلدىرۋ بويىنشا شارالار قابىلداۋدى تاپسىردى.

«باستى مىندەت - ءتيىمدى دەنساۋلىق ساقتاۋ جۇيەسىن قالىپتاستىرۋ. بارلىق ۇسىنىستار ازىرلەنىپ جاتقان جانە جۋىق ارادا بەكىتىلەتىن ۇكىمەتتىڭ 2022-جىلعا ارنالعان ءىس-قيمىل جوسپارىنا ەنگىزىلۋى ءتيىس»، — دەدى ءا. سمايىلوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات