الماتىدا مەترو بەكەتتىڭ جانىنان وق-دارىلەر تابىلدى

الماتى. قازاقپارات - «اباي» مەتروبەكەتىنە جاقىن ورنالاسقان شىرشالاردىڭ تۇبىنەن وق-دارىلەر تابىلدى.

ولاردى پوليتسيانىڭ «دوزور» ەسىمدى ءيتى تاپتى، دەپ حابارلايدى قازاقپارات ءتىلشىسى.

«تۇسكە تامان ينسپەكتور-كينولوگ «اباي» بەكەتىنە ىرگەلەس اۋماقتى ارالاپ شىقتى. ءبىر كەزدە جارىلعىش زاتتاردى ىزدەۋگە ماشىقتانعان قىزمەتتىك ءيت ءيىستى سەزىپ، سەرىكتەسىن شىرشالارى بار الاڭعا جەتەلەدى. ونىڭ ءبىرىنىڭ استىنان 5,45 كاليبرلى كالاشنيكوۆ اۆتوماتىنىڭ 30 دانا پاترونى جانە ەكى بىرلىك جارىقشۋلى گراناتا تابىلدى. وق-ءدارىنى مەدەۋ اۋداندىق پوليتسيا باسقارماسىنىڭ جەدەل-تەرگەۋ توبى پروتسەسسۋالدىق تارتىپتە تاركىلەدى. ولاردىڭ ناقتى كىمگە تيەسىلى ەكەنى تەرگەۋ بارىسىندا انىقتالادى»، - دەدى مەتروپوليتەندەگى پوليتسيا باسقارماسىنىڭ باستىعى ەرىك ناسىربەكوۆ.

ەسكە سالساق، بۇعان دەيىن ىشكى ىستەر مينيسترلىگى حالىققا جارىلعىش زارتتار مەن وق-ءدارى تاۋىپ العان جاعدايدا نە ىستەۋ كەرەكتىگى جايىندا ايتقان بولاتىن.