USD 429.57 EUR 447.35
RUB 6.94 CNY 63.23
جاڭالىقتار

جۇيەلى سىبايلاس جەمقورلىق قاڭتارداعى كوتەرىلىستەردىڭ تريگگەرىنە اينالدى -  قاسىم- جومارت توقايەۆ

28 قاڭتار 16:56
:ءبولىسۋ
جۇيەلى سىبايلاس جەمقورلىق قاڭتارداعى كوتەرىلىستەردىڭ تريگگەرىنە اينالدى -  قاسىم- جومارت توقايەۆ

نۇر- سۇلتان. قازاقپارات - پرەزيدەنت قاسىم- جومارت توقايەۆ Nur Otan پارتياسىنا سىبايلاس جەمقورلىققا قارسى پايدالى باستامالار ۇسىنۋدى تاپسىردى، دەپ حابارلايدى قازاقپارات.

« «Nur Otan» پارتياسى مەن جاريالاعان سىبايلاس جەمقورلىققا قارسى اياۋسىز كۇرەستىڭ الدىڭعى شەبىندە بولىپ، وسى كۇردەلى پروبلەما جونىندە پايدالى باستامالار ۇسىنۋى ءتيىس. جۇيەلى سىبايلاس جەمقورلىقتىڭ قاڭتارداعى كوتەرىلىستەردىڭ وزىندىك تريگگەرىنە اينالعانى ەش جاسىرىن ەمەس»، - دەدى مەملەكەت باسشىسى Nur Otan پارتياسىنىڭ كەزەكتەن تىس XXI سەزىندە. پرەزيدەنت قوعامدا ازاماتتاردىڭ سىبايلاس جەمقورلىق ادەتىنەن مۇلدەم باس تارتۋىن قالىپتاستىرۋ ماڭىزدى ەكەنىن ايتتى.

«بۇل جۇمىس ازاماتتىق قوعامدى جۇمىلدىرۋسىز مۇمكىن بولمايدى، پارتيا ونىڭ اجىراماس بولىگى بولىپ سانالادى. سوندىقتان پارتيا ءوزىنىڭ سىبايلاس جەمقورلىققا قارسى ستراتەگياسىن جاڭا مازمۇنمەن تولىقتىرۋى كەرەك»، - دەدى قاسىم- جومارت توقايەۆ.

ايتا كەتەيىك، نۇر- سۇلتاندا Nur Otan پارتياسىنىڭ كەزەكتەن تىس XXI سەزى جابىق رەجيمدە ءوتىپ جاتىر .

اۆتور: ايجان سەرىكجان قىزى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات