ق ر پرەزيدەنتى: پارتيا ورىندالمايتىن ۋادەنى بەرمەۋ كەرەك
«2021 -جىلدىڭ قورىتىندىسى بويىنشا ۇكىمەت پارتيانىڭ سايلاۋالدى باعدارلاماسى ينديكاتورىنىڭ 74 پايىزعا ورىندالعانىن ايتتى. ونىڭ ءىس جۇزىندە ورىندالعانىنا كىم كەپىل بەرەدى؟ پارتيانىڭ ومىرلىك ماڭىزدىلىعى الداعى ۋاقىتتا ونىڭ سايلاۋالدى ۋادەسىن قانشالىقتى ورىنداعانىمەن بايلانىستى ەكەنىن ءتۇسىنۋ كەرەك. مەنىڭ كوزىمنىڭ جەتكەنى، پارتيا ورىندالمايتىن، مۇمكىن ەمەس، تاۋ قوپاراتىن ۋادەنى بەرمەۋ كەرەك. دۇرىسى از دا بولسا، ۋادەنىڭ ورىندالۋى. باستىسى پارتيانىڭ سايلاۋالدى ۋادەسى قانشالىقتى ورىندالدى، سوعان ءمان بەرۋىمىز كەرەك»، - دەدى قاسىم- جومارت توقايەۆ.
ونىڭ ايتۋىنشا، پارتيا، ۇكىمەت جانە اكىمدىكتەر الدىندا حالىق الدىندا بەرىلگەن ۋادەنىڭ قانشالىقتى ورىندالعانىن تەكسەرۋ مىندەتى تۇر. «ۇكىمەت الدىندا ناقتى تاپسىرما تۇر. ال پارتيا بەرگەن ۋادەسىن قاتاڭ ءارى ساپالى ورىنداۋ قاجەت. ول ءۇشىن كەرەكتى رەسۋرستىڭ ءبارى بار»، - دەيدى پرەزيدەنت.
«ساياساتتا ەل مۇددەسىنە بەرىك بولۋ ايرىقشا ماڭىزدى. مەن پرەزيدەنت قىزمەتىندە جانە پارتيا جۇمىسىندا ءدال وسى قاعيدانى ۇستانامىن. ءبىز ەگەمەندىكتىڭ ءتورتىنشى ونجىلدىعىنا قادام باستىق. الدىمىزدا جاڭا مىندەتتەر تۇر. بىرلىگىمىز بەكەم بولسا، ونىڭ ءبارىن ورىندايمىز»، - دەدى مەملەكەت باسشىسى.
وسى ورايدا پرەزيدەنت ەڭ باستىسى، قوعامعا تىنىشتىق پەن تۇراقتىلىق كەرەك ەكەنىن اتاپ ءوتتى «Nur Otan» - ەلىمىزدىڭ نەگىزگى ساياسي كۇشى. سوندىقتان قازاقستاننىڭ بولاشاعى ءۇشىن، ەڭ الدىمەن، ءبىزدىڭ پارتيامىز جاۋاپتى. ءارقايسىمىز وسى جاۋاپكەرشىلىكتى تەرەڭ سەزىنىپ جۇمىس ىستەۋىمىز قاجەت»، - دەدى قاسىم- جومارت توقايەۆ.
«شىن مانىندە، «Nur Otan» مەملەكەتشىلدەر پارتياسى بولۋى كەرەك. ۇيىم مۇشەلەرى مەملەكەت مۇددەسىن بارىنەن بيىك قويۋعا ءتيىس. پارتيانىڭ بارلىق باستامالارى ەلىمىزدى وركەندەتۋگە، حالقىمىزدىڭ ءال- اۋقاتىن ارتتىرۋعا ارنالعانىن ۇمىتپايىق! ەلىمىز امان، جۇرتىمىز تىنىش بولسىن!»، - دەدى مەملەكەت باسشىسى.
ايتا كەتەيىك، پارتيا سەزىندەگى مەملەكەت باسشىسىنىڭ سويلەگەن ءسوزى ق ر پرەزيدەنتى باسپا ءسوز قىزمەتىنىڭ Twitter- دەگى پاراقشاسىندا جاريالانۋدا.