بۇل اشكوزدىك پە؟: قاسىم- جومارت توقايەۆ «قازاقستان حالقىنا» قورىنا قارجى اۋدارماعان تانىمال بيزنەسمەندەردى سىنادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ «قازاقستان حالقىنا» قورىنا قارجى اۋدارماعان تانىمال بيزنەسمەندەردى سىنادى، دەپ حابارلايدى قازاقپارات ءتىلشىسى.

«Nur Otan» پارتياسىنىڭ كەزەكتەن تىس 21- سەزىندە ق ر پرەزيدەنتى قاسىم- جومارت توقايەۆ «قازاقستان حالقىنا» قورىنا اقشا اۋدارعان كاسىپكەرلەرگە العىس ايتتى.

«بۇل ارقىلى سىزدەر ەلىمىزدىڭ قايىرىمدىلىق كومەككە مۇقتاج ازاماتتارىنىڭ الدىندا ازاماتتىق جاۋاپكەرشىلىك تانىتىپ وتىرسىزدار»، - دەگەن پرەزيدەنت باستاماعا اتسالىسۋعا اسىقپاي جۇرگەن قالتالىلارعا توقتالدى.

«سونىمەن بىرگە، وليگوپوليانىڭ قۇرامىنا كىرەتىن جانە ءتىپتى ونىڭ بەت- بەينەسىنە اينالعان بيزنەستەگى كەيبىر تانىمال ادامدار مەملەكەت باسشىسى باستاعان قايىرىمدىلىق اكسياسىنا قاتىسۋعا اسىعاتىن ەمەس. بۇل نە: اشكوزدىك پە، نيگيليزم بە، ادەپسىزدىك نەمەسە نەمقۇرايلىلىق پا؟ قالاي بولعاندا دا، مەملەكەت بۇل سۇراققا تولىق جاۋاپ الۋ ءۇشىن قاجەتتى بارلىق وكىلەتتىكتەرگە يە. ءوز تاراپىمنان ءىرى بيزنەستىڭ قايىرىمدىلىق پروتسەسىن رەتتەيتىن ارنايى جارلىق شىعارۋدى جوسپارلاپ وتىرمىن»، - دەدى مەملەكەت باسشىسى.

ايتا كەتەيىك، قاسىم- جومارت توقايەۆ «Nur Otan» پارتياسىنىڭ ءتوراعاسى بولىپ سايلاندى.