USD 429.57 EUR 447.35
RUB 6.94 CNY 63.23
جاڭالىقتار

جاڭىلىستاردى ەلىمىزدىڭ بولاشاق باسشىلارىنا عيبرات ەتىپ قالدىرايىق -  قاسىم- جومارت توقايەۆ

28 قاڭتار 15:57
:ءبولىسۋ
جاڭىلىستاردى ەلىمىزدىڭ بولاشاق باسشىلارىنا عيبرات ەتىپ قالدىرايىق -  قاسىم- جومارت توقايەۆ

نۇر- سۇلتان. قازاقپارات - ەل پرەزيدەنتى قاسىم- جومارت توقايەۆ Nur Otan پارتياسىنىڭ كەزەكتەن تىس XXI سەزىندە تۇڭعىش پرەزيدەنت نۇرسۇلتان نازاربايەۆتىڭ تاريحي ءرولى تۋرالى ايتتى، دەپ حابارلايدى قازاقپارات.

«تۇڭعىش پرەزيدەنتتىڭ تاريحي ەڭبەك سىڭىرگەنىن ۇمىتپايىق. ءتۇپتىڭ تۇبىندە ءادىل جانە شىنشىل بولۋىمىز كەرەك. وتكەنىن قارالاعان حالىقتىڭ بولاشاعى جوق. وتكەن زاماندى جوققا شىعاراتىن، ءوز باسشىلارىنا شابۋىل جاسايتىن حالىقتىڭ بولاشاعى ەكىتالاي ءارى بۇلىڭعىر. كەمشىلىكتەر امەريكا پرەزيدەنتتەرى مەن قىتاي باسشىلارىندا دا، ءتىپتى قازىر بارلىعى ماقتاپ ەسكە الاتىن سينگاپۋرلىق كوشباسشى لي كۋان يۋدا دا بولعان»، - دەدى پرەزيدەنت قاسىم- جومارت توقايەۆ.

مەملەكەت باسشىسى سينگاپۋردىڭ دا، ا ق ش- تىڭ دا، قىتايدىڭ دا حالىقتارى مەن بيلەۋشى توپتارى ءوز باسشىلارىنىڭ قادىر- قاسيەتىن كەمشىلىكتەردەن جوعارى قويىپ، قوس ۇعىمدى اجىراتا بىلگەنىن ايتتى. ويتكەنى، جۇمىس ىستەمەيتىن ادامنىڭ عانا قاتەلەسپەيتىنى بۇرىننان بەلگىلى.

«تۇڭعىش پرەزيدەنتتىڭ تاريحي ەڭبەگىنە قۇرمەت كورسەتەيىك، ونىڭ ءسوزسىز جەتىستىكتەرى مەن قادىر- قاسيەتتەرىن ءبىرىنشى ورىنعا قويايىق، ال بولۋى مۇمكىن جاڭىلىستاردى ەلىمىزدىڭ بولاشاق باسشىلارىنا عيبرات ەتىپ قالدىرايىق»، - دەدى ق. توقايەۆ.

ايتا كەتەيىك، نۇر- سۇلتاندا Nur Otan پارتياسىنىڭ كەزەكتەن تىس XXI سەزى جابىق رەجيمدە ءوتىپ جاتىر. بەكىتىلگەن كۇن تارتىبىنە سايكەس، وندا - پارتيانىڭ ءتوراعاسىن سايلاۋ تۋرالى، جارعىعا وزگەرىستەر مەن تولىقتىرۋلار ەنگىزۋ تۋرالى جانە ساياسي كەڭەس قۇرامىنا وزگەرىستەر ەنگىزۋ تۋرالى ءۇش ماسەلە قارالادى.

اۆتور: ايجان سەرىكجان قىزى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات