رومان سكليار قىتاي ەلشىسى جاڭ شياۋمەن كەزدەستى
كەزدەسۋ بارىسىندا ەكىجاقتى ىنتىماقتاستىق پەن ءوزارا ءىس- قيمىلدىڭ وزەكتى ماسەلەلەرى تالقىلاندى. قازاقستاندىق تاراپ قىتاي نارىعىنا ورگانيكالىق اۋىل شارۋاشىلىعى ونىمدەرىن جەتكىزۋگە قىزىعۋشىلىق تانىتتى. تاراپتار «تازا ەنەرگيا»، جاسىل دامۋ جانە IT- تەحنولوگيالار سالاسىنداعى جاڭا بىرلەسكەن جوبالاردى جۇزەگە اسىرۋداعى ايتارلىقتاي الەۋەتتى اتاپ ءوتتى. سونداي- اق ەكى ەل اراسىنداعى جۇك تاسىمالى مەن تۇراقتى اۋە قاتىناسىنىڭ جاعدايى تۋرالى جان- جاقتى پىكىر الماسۋ بولدى.
ر. سكليار جاڭ شياۋنى كەلە جاتقان قىتاي جاڭا جىلىمەن، سونداي- اق اعىمداعى جىلدىڭ اقپان ايىندا بەيجىڭدە وتەتىن XXIV قىسقى وليمپيادا ويىندارىمەن قۇتتىقتاپ، وسى ايتۋلى شارانىڭ ءساتتى وتۋىنە تىلەكتەستىك ءبىلدىردى. جاڭ شياۋ قازاقستانمەن ىنتىماقتاستىق قىتايدىڭ سىرتقى ساياساتىنداعى باسىم باعىتتاردىڭ ءبىرى ەكەنىن اتاپ ءوتتى. قازاقستاننىڭ جاقىن كورشىسى جانە دوسى بولا وتىرىپ، كەز كەلگەن تاۋەكەلدەر مەن قيىندىقتارعا قاراماستان قىتاي سەنىمدى سەرىكتەس بولىپ قالا بەرەتىنىن جانە قازاقستاندىق تاراپقا قاجەتتى قولداۋ مەن كومەك كورسەتۋگە دايىن ەكەنىن ايتتى.
ەكى ەل اراسىنداعى قارىم- قاتىناس تىعىز سىندارلى ديالوگ پەن ءوزارا ءتيىمدى ىنتىماقتاستىققا نەگىزدەلگەن. ب ۇ ۇ، ش ى ۇ، ا ءو س ش ك سياقتى حالىقارالىق قۇرىلىمدار اياسىندا ەكى ەل اراسىندا تىعىز ءوزارا ءىس- قيمىل جولعا قويىلعان. قازاقستان مەن قىتاي اراسىنداعى 30 جىلدان استام ديپلوماتيالىق قارىم- قاتىناس كەزەڭىندە ستراتەگيالىق سەرىكتەستىك جاڭا دەڭگەيگە كوتەرىلىپ، بارلىق شەكارالىق ماسەلەلەر تۇپكىلىكتى رەتتەلىپ، بەرىك قۇقىقتىق بازا قۇرىلدى. قىتاي قازاقستاننىڭ ءىرى سىرتقى ساۋدا جانە ينۆەستيتسيالىق سەرىكتەستەرىنىڭ ءبىرى بولىپ قالا بەرەدى، 2021 -جىلدىڭ 11 ايىندا تاۋار اينالىمى $17 ميلليارد قۇراعان. تاراپتار ستراتەگيالىق سەرىكتەستىكتى تولىق جۇزەگە اسىرا وتىرىپ، ەكى مەملەكەتتىڭ حالىقتارىنا يگىلىگى ءۇشىن ساۋدانى، ينۆەستيتسيانى جانە ءىرى جوبالارداعى ىنتىماقتاستىقتى دامىتۋدى جالعاستىرۋدا.