رەسەيدىڭ كەيبىر ۋنيۆەرسيتەتتەرى «بولاشاق» بويىنشا وقىتاتىن ج و و- لار تىزىمىنە ەندى

نۇر- سۇلتان. قازاقپارات - رەسەيدىڭ جەتەكشى تەحنيكالىق ۋنيۆەرسيتەتتەرى «بولاشاق» باعدارلاماسى بويىنشا وقىتاتىن ج و و- لار تىزىمىنە ەندى، دەپ حابارلايدى قازاقپارات ق ر ءبىلىم جانە عىلىم مينيسترلىگىنە سىلتەمە جاساپ.

وسىلايشا، ءبىلىم جانە عىلىم مينيسترلىگى پرەزيدەنتتىڭ تاپسىرماسىن ورىنداۋ بويىنشا ءتيىستى جۇمىستاردى اتقارىپ جاتىر. تىزىمگە بارلىعى 27 ەلدەن 200-دەن استام ۋنيۆەرسيتەت ەنگىزىلگەن. ەندى تەحنيكالىق باعىتتاعى مامانداردى دايارلايتىن تىزىمگە رەسەيلىك ج و و- لاردان ن. ە. باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتى، «MИФИ» ۇلتتىق زەرتتەۋ يادرولىق ۋنيۆەرسيتەتى، م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى، سانكت- پەتەربۋرگ مەملەكەتتىك ۋنيۆەرسيتەتى جانە ماسكەۋ فيزيكا- تەحنيكالىق ينستيتۋتى ەندى. سونداي- اق مينيسترلىك قازىرگى ۋاقىتتا «ميسيس» ۇلتتىق زەرتتەۋ تەحنيكالىق ۋنيۆەرسيتەتىن جانە يتمو ۇلتتىق زەرتتەۋ ۋنيۆەرسيتەتىن تىزىمگە ەنگىزۋ بويىنشا جۇمىس جۇرگىزىپ جاتىر. «بولاشاق» الداعى ۋاقىتتا اۋقىمىن باسقا ەلدەرمەن جانە ۋنيۆەرسيتەتتەرمەن كەڭەيتەدى.