ادەمى سويلەگىڭىز كەلسە

None
None
نۇر- سۇلتان. قازاقپارات - ءسوزدىڭ ءارىن كەلتىرە، قيۋىن قيىستىرا سويلەۋ تەك شىعارماشىلىق ادامدارىنا ءتان دەپ ويلايتىندار بار. «مەن تەمىر- تەرسەكتىڭ ادامىمىن»، « ءبىز تەك ساندارمەن سويلەيمىز»، «كوپ سويلەي المايمىن» دەگەن پىكىردى تەحنيكالىق باعىتتاعى ادامداردان ءجيى ەستيمىز.


باسقاسىن ايتپاعاندا مەرەكەلەردە تىلەك ايتۋدا، كوپشىلىك الدىندا اياق استىنان ءسوز بەرىلگەندە، بۇل سىلتاۋلار «وتپەيدى» . ەكى ءسوزدىڭ باسىن قۇراي الماي تۇرعان ۇيات بولادى. كۇن سايىن ءبىر جاڭا سوزبەن تانىسىڭىز جاڭا ءسوزدى ەستە ساقتاۋ ءۇشىن ونىڭ ەرەجەسىن، تۇسىندىرمە ۇعىمىن وقىپ تانىسىپ، سول سوزگە قاتىستى سۋرەتتەردى كورىڭىز. اسىرەسە ماماندىققا قاتىستى تەرمين بولسا، ءجىتى ءمان بەرىڭىز. ءار مامان ءوز سالاسىنا قاتىستى بارلىق تەرميننىڭ ماعىناسىن ءبىلۋى كەرەك. ورايى كەلسە، ءسوز اراسىنا قوسىپ وتىرۋعا بولادى. ءسوزىڭىزدى ەموتسيونالدى تۇردە جەتكىزۋگە دەن قويىڭىز ءار ءسوز سايىن ينتوناتسيانى وزگەرتىپ، باستى ويىڭىزدى ايتاردا داۋسىڭىزدى ءسال كوتەرسەڭىز، ادەمى قيمىلمەن سويلەسەڭىز، ەلەنبەي قالمايدى.

شەشەن ادامنىڭ رولىنە كىرىڭىز ادامدار كوپشىلىك الدىندا سويلەۋدەن تارتىنادى. سەبەبى وزىنە سەنىمسىز ءارى قورقىنىشىن جەڭە المايدى. ونىمەن كۇرەسۋ ءۇشىن اينا الدىندا نە شاعىن توپ الدىندا ءجيى- ءجيى سويلەپ ۇيرەنىڭىز. جاي عانا كوپىرگەن كوپ ءسوز ەمەس، از دا بولسا ساز ايتىپ، ويىڭىزدى كوركەم تىلمەن جەتكىزۋگە تىرىسىڭىز. ينتوناتسياڭىزدى جاتتىقتىرىڭىز قولىڭىزعا ءماتىن نە كىتاپ الىپ، ءارتۇرلى داۋىسپەن - ىسكەرلىك، نازىك، ايانىشتى، ويناقى ىرعاقپەن وقىپ كورىڭىز. ءبىر سويلەم نەشە ءتۇرلى ەموتسيا بەرە الاتىنىنا كۋا بولاسىز. بۇل شەبەر سويلەۋ ونەرىن شىڭداۋدا وتە جاقسى جاتتىعۋ. داۋسىڭىزدى ديكتوفونعا جازىپ، ءسوزىڭىزدى ساراپتاڭىز ادام ءوز داۋسىن ءوزى ەستىگەندە تانىماي قالۋى دا مۇمكىن. داۋسىمىز وزىمىزگە سىرتتاي مۇلدە باسقاشا ەستىلەدى. باستاپقىدا مۇلدە ۇناماۋى مۇمكىن، ءبىراق بىرتە- بىرتە قانداي بولسا دا ءوز داۋسىڭىزدى جاقسى كورۋگە ۇيرەنۋ كەرەك. سونىمەن بىرگە كەم- كەتىكتەرىن ەسكەرىپ، تۇزەتىپ وتىراسىز. سوزدەردىڭ دۇرىس ايتىلۋى، جاعىمسىز سوزدەر قولدانباۋ سەكىلدى ۇعىمداردى دا جادىڭىزدا ۇستاڭىز.

تانىمال ءسوز شەبەرلەرىن تىڭداپ، تۋماساڭىز دا، ۇقساپ باعىڭىز. ءتىلىڭىزدى ۇزدىكسىز جاتتىقتىرىڭىز تىلدە كەمىستىك بولسا دا، كەي ارىپتەردى دۇرىس ايتا المايتىن بولساڭىز دا، جاتتىعۋدى ۇزبەۋ ارقىلى ءبارىن تۇزەتۋگە بولادى. ءسىزدىڭ قولىڭىزدان ءبارى كەلەدى. تەك تالپىنىسىڭىز تاۋسىلماسىن.

Massaget.kz



سوڭعى جاڭالىقتار