USD 429.57 EUR 447.35
RUB 6.94 CNY 63.23
جاڭالىقتار

قىرعىز- تاجىك شەكاراسىندا تاعى اتىس بولدى

28 قاڭتار 00:01
:ءبولىسۋ
قىرعىز- تاجىك شەكاراسىندا تاعى اتىس بولدى

نۇر-سۇلتان.قازاقپارات -تاجىكستان مەن قىرعىزستاننىڭ شەكاراسىندا ورنالاسقان ءتورت- كوچو جانە چير- دوبو اۋداندارىندا اسكەري قىزمەتشىلەر اراسىندا اتىس بولىپ جاتىر، دەپ حابارلايدى.

«ساعات 17:30 دان 18:00 گە دەيىن تاجىكستاننىڭ شەكاراشىلارى باتكەن وبلىسىنىڭ ءتورت- كوچو اۋدانىنداعى «باتكەن- يسفانا» جولىنىڭ ۋچاسكەسىن ءبىرجاقتى تارتىپپەن جاۋىپ تاستادى» ، دەپ حابارلادى قىرعىزستاننىڭ شەكارا قىزمەتى.

شەكارا قىزمەتىنىڭ وبلىستىق دەپارتامەنتىنىڭ باسشىسى مەن باتكەن شەكارا وتريادىنىڭ باسشىسى اتالعان جەرگە اتتاندى. شەكارانىڭ وسى ۋچاسكەسىندە ورنالاسقان اسكەري قىزمەتشىلەر كۇشەيتىلگەن قىزمەت رەجيمىنە اۋىستىرىلدى. قىرعىز تاراپى شيەلەنىستى باسەڭدەتۋگە تىرىسۋدا.

تارتىپسىزدىكتەر سومونيەن اۋىلىنان چوركۋح جاماعاتىنا بارا جاتقان تاجىكستان ازاماتتارىنىڭ كولىكتەرىنە تاس لاقتىرىلعاننان كەيىن باستالعانى جايلى بولجام بار.

قازىر ەكى جاقتان دا جاۋاپتى تۇلعالار شەكارا ماڭىنا جينالدى. جاعدايدى اسكەريلەر مەن قاۋىپسىزدىك كۇشتەرى باقىلاۋدا. قازىر يسفارا- وش جولى جابىق.

24.kg اگەنتتىگىنىڭ حابارلاۋىنشا، تاجىكستاندىق اسكەريلەر الدىمەن قارۋدان وق جاۋدىرىپ، كەيىن مينومەتتەن وق اتقان.

«ءتورت- كوچو جانە چير- دوبو اۋداندارىندا اسكەري قىزمەتشىلەر اراسىندا اتىس ءجۇرىپ جاتىر. تاجىك تاراپى مينومەتتەر مەن گراناتومەتتەردى قولدانىپ جاتىر»، دەدى جەرگىلىكتى تۇرعىنداردىڭ ءبىرى.

ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتى بۇل اقپاراتتى راستاماعانىمەن، جوققا دا شىعارعان جوق.

اگەنتتىك ازىرگە وقيعانىڭ ەگجەي- تەگجەيىن باياندامادى.

Egemen.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات