USD 424.84 EUR 453.6
RUB 7.3 CNY 63.91
جاڭالىقتار

قازاقستاننىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالاندى

27 قاڭتار 22:11
:ءبولىسۋ
قازاقستاننىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - قازاقستاننىڭ توعىز وڭىرىندە اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات.

«قازگيدرومەت» بولجامىنا قاراعاندا، اقتوبە وبلىسىنىڭ سولتۇستىك-باتىسىندا تۇمان تۇسەدى.

اتىراۋ وبلىسىنىڭ سولتۇستىگى، شىعىسى مەن ورتالىعىندا، اتىراۋ قالاسىندا تۇمان بولادى.

باتىس قازاقستان وبلىسىنىڭ باتىسى مەن سولتۇستىگىندە تۇمان تۇسەدى.

سونىمەن قاتار ورال قالاسىندا تۇندە جانە كۇندىز تۇمان بولماق.

جامبىل وبلىسىنىڭ تاۋلى جانە تاۋ بوكتەرىندەگى اۋداندارىندا تۇمان، كوكتايعاق بولادى. وبلىستىڭ سولتۇستىك-شىعىسى مەن وڭتۇستىك-باتىسىندا، تاۋلى اۋداندارىندا سولتۇستىك-باتىستان جەل سوعىپ، وڭتۇستىك-باتىسقا قاراي اۋىسادى.

تاراز قالاسىندا تۇمان تۇسەدى. قاراعاندى وبلىسىنىڭ باتىسى مەن وڭتۇستىگىندە شىعىستان، وڭتۇستىك- شىعىستان جەل سوعىپ، ەكپىنى 15-20 م/س- قا دەيىن جەتەدى.

قىزىلوردا وبلىسىنىڭ باسىم بولىگىندە كۇننىڭ ەكىنشى جارتىسىندا جاۋىن-شاشىن (جاڭبىر، قار)، وبلىس ورتالىعىندا كوكتايعاق، بوران بولادى.

وبلىس ورتالىعىندا شىعىستان، وڭتۇستىك- شىعىستان 15-20 م/س جەل سوعادى.

قىزىلوردا قالاسىندا كۇننىڭ ەكىنشى جارتىسىندا كوكتايعاق بولادى. كەيدە تۇمان تۇسەدى.

ماڭعىستاۋ وبلىسىنىڭ باتىسى، وڭتۇستىگى مەن شىعىسىندا كوكتايعاق بولادى. سولتۇستىگىندە تۇمان تۇسەدى. وبلىستىڭ باتىسى مەن شىعىسىندا سولتۇستىك- باتىستان 15-20 م/س جەل سوعادى.

اقتاۋ قالاسىندا تۇندە كوكتايعاق بولادى. سولتۇستىك-باتىستان سوعاتىن جەل ەكپىنى 15-18م/س- قا جەتەدى.

تۇركىستان وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر باسىم بولادى) بولادى. تۇندە وبلىستىڭ وڭتۇستىگى مەن باتىسىندا، تاۋلى، تاۋ بوكتەرىندەگى اۋداندارىندا تۇمان ساقتالادى.

وبلىستىڭ باتىسى مەن سولتۇستىگىندە، تاۋلى جانە تاۋ بوكتەرىندەگى اۋداندارىندا كۇندىز وڭتۇستىك-باتىستان 15-20 م/س جەل سوعىپ، ەكپىنى 23 م/س- قا دەيىن جەتەدى.

تۇركىستان قالاسىندا تۇندە تۇمان ساقتالادى. وڭتۇستىك-باتىستان سوعاتىن جەل ەكپىنى كۇندىز 15-20 م/س بولادى.

شىمكەنت قالاسىندا تۇندە تۇمان ساقتالماق. وڭتۇستىك-باتىستان سوعاتىن جەل ەكپىنى كۇندىز 15-20 م/س- قا دەيىن جەتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات