اۋعانستان حالقىن گۋمانيتارلىق داعدارىس قاتەرىمەن جەكەلەي قالدىرۋعا بولمايدى - توقايەۆ

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ اۋعانستان حالقىن گۋمانيتارلىق داعدارىس قاتەرىمەن جەكەلەي قالدىرۋعا بولمايتىنىن ايتتى، دەپ حابارلايدى قازاقپارات ءتىلشىسى.

«الەمدە بولىپ جاتقان وقيعالار تەرروريزم، ەكسترەميزم، ترانسۇلتتىق قىلمىس قازىرگى زاماننىڭ وزەكتى سىن-قاتەرى رەتىندە قالىپ وتىرعانىن كورسەتىپ تۇر. بۇل جاعدايدا ازياداعى ءوزارا ءىس-قيمىل جانە سەنىم شارالارى كەڭەسى (ا و ىس ش ك) قىزمەتى ەرەكشە وزەكتى بولادى. قازاقستان فورۋمنىڭ ءىس باسىنداعى ءتوراعاسى بولىپ وتىر جانە ا و ىس ش ك كەڭىستىگىندە قاۋىپسىزدىك پەن ىنتىماقتاستىقتى نىعايتۋ ءۇشىن بارشا كۇش-جىگەرىن سالادى. فورۋمنىڭ ينستيتۋتسيونالدى ارى قاراي دامۋى، ونىڭ حالىقارالىق ۇيىمعا ترانسفورماتسياسى بۇل جۇمىسقا جاڭا سەرپىن بەرەدى دەپ سانايمىز»، - دەدى قاسىم-جومارت توقايەۆ «ورتالىق ازيا - ءۇندىستان» سامميتىندە.

ق ر پرەزيدەنتى ازياداعى ءوزارا ءىس-قيمىل جانە سەنىم شارالارى كەڭەسىنىڭ الەۋەتى مەن مارتەبەسىن نىعايتۋدا ءۇندىستاننىڭ ءرولى اۋقىمدى ەكەنىن اتاپ ءوتتى.

«وسى جىلى ا و ى س ش ك- ءنىڭ مەرەيتويلىق ءسامميتى وتەدى. وسى ورايدا مودي مىرزانى (eۇندىستان پرەمەر-ءمينيسترى نارەندرا مودي) قازاقستان استاناسىندا كورەتىنىمىزگە ۇمىتتەنەمىز. فورۋم اياسىندا تالقىلاۋعا شىعارىلاتىن وزەكتى ماسەلەلەردىڭ قاتارىندا اۋعانستان پروبلەماتيكاسى دا بولادى»، - دەدى مەملەكەت باسشىسى.

وسى ورايدا قاسىم-جومارت توقايەۆ اۋعانستان مەن ونىڭ حالقىن تەڭدەسسىز قيىندىقتارىمەن جانە گۋمانيتارلىق داعدارىس قاتەرىمەن جەكەلەي قالدىرۋعا بولمايتىنىن قاداپ ايتتى.

قازاقستان ءوز تاراپىنان ازىق-تۇلىك، قاجەتتى تاۋارلارمەن جانە ءدارى-دارمەك تۇرىندەگى كومەكتى باعىتتاي وتىرىپ، اۋعانستانمەن ءوزارا ءىس-قيمىلدى جالعاستىرىپ كەلەدى.