USD 424.84 EUR 453.6
RUB 7.3 CNY 63.91
جاڭالىقتار

قاڭتار تراگەدياسى: ەلۆيرا ءازىموۆا كىمدەردىڭ ايىپپۇلىن ەسكەرتۋگە اۋىستىرۋعا بولاتىنىن ايتتى

27 قاڭتار 21:46
:ءبولىسۋ
قاڭتار تراگەدياسى: ەلۆيرا ءازىموۆا كىمدەردىڭ ايىپپۇلىن ەسكەرتۋگە اۋىستىرۋعا بولاتىنىن ايتتى

نۇر-سۇلتان. قازاقپارات - ادام قۇقىقتارى جونىندەگى ۋاكىل ەلۆيرا ءازىموۆا قاڭتار تراگەدياسىنا قاتىستى كىمدەردىڭ ايىپپۇلىن ەسكەرتۋگە اۋىستىرۋعا بولاتىنىن ايتتى، دەپ حابارلايدى قازاقپارات ءتىلشىسى.

«اتىراۋدا، الماتىدا، شىمكەنتتە ءبىز قالا جانە وبلىس پروكۋراتۋرالارىنىڭ باسشىلىعىمەن، ازاماتتارمەن كەزدەسۋلەر وتكىزدىك. ارنايى پروكۋرورلار اكىمشىلىك ىستەر بويىنشا سوت شەشىمدەرىنە، اسىرەسە، ايىپپۇلدى ەسكەرتۋگە اۋىستىرۋ تۋرالى نارازىلىق بىلدىرە باستادى. بۇل ءىس جۇرگىزۋ تالاپتارىن بۇزا وتىرىپ الىنعان دالەلدەمەلەرگە دە، قورعاۋشىلاردىڭ قولجەتىمدىلىگىنىڭ قامتاماسىز ەتىلمەۋىنە بايلانىستى تاعىلعان ايىپتاردىڭ نەگىزدىلىگى تۋرالى شاعىمدارعا دا قاتىستى»، - دەدى ادام قۇقىقتارى جونىندەگى ۋاكىل.

سونىمەن بىرگە، ول تەرگەۋگە الىنعان ازاماتتاردىڭ كوبى قومعادىق قورعاۋشىلاردىڭ كومەگىنە جۇگىنۋ مۇمكىندىگىنەن قاعىلعانىن اتاپ ءوتتى.

«سونداي-اق، بۇل جاقىندارىنىڭ، ءوز بالالارىنىڭ، اسىرەسە، جاستار اراسىنان قوعامدىق قورعاۋشى مارتەبەسىن راسىمدەۋ قۇقىعىنا دا قاتىستى. كوپتەگەن ادامداردىڭ مۇنداي مارتەبەگە بايلانىستى تۋىندايتىن قۇقىقتار مەن كەپىلدىكتەر تۋرالى حابارى جوق»، - دەدى ەلۆيرا ءازىموۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات