الەمدە نەگىزگى ازىق-تۇلىك باعاسىنىڭ تۇراقتى تۇردە ءوسۋ تەندەنتسياسى بايقالادى - ق ر پرەزيدەنتى
بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ازىق-تۇلىك نارىعىنىڭ تۇراقتىلىعىن قامتاماسىز ەتۋ ەلدەرىمىزدىڭ ەكونوميكالىق قاۋىپسىزدىگىنىڭ جانە كەزەڭ-كەزەڭمەن دامۋىنىڭ ماڭىزدى شارتى بولىپ قالادى. الەمدە نەگىزگى ازىق-تۇلىك باعاسىنىڭ تۇراقتى تۇردە ءوسۋ تەندەنتسياسى بايقالادى. ينفلياتسيا وتە جوعارى. ولاردىڭ قۇنىنىڭ مۇنان ارى دا ارتۋ مۇمكىندىگى الەۋمەتتىك-ەكونوميكالىق كۇيزەلىستەر جانە جەتكىزۋ تىزبەگىنىڭ بۇزىلۋ تاۋەكەلىمەن كۇشەيەدى»، - دەپ اتاپ ءوتتى قاسىم-جومارت توقايەۆ «ءۇندىستان - ورتالىق ازيا» سامميتى بارىسىندا.
وسى رەتتە مەملەكەت باسشىسى ورتالىق ازيا جانە ءۇندىستان باسشىلارىنا اۋىل شارۋاشىلىعى مينيسترلەرىنىڭ كەڭەسىن وتكىزۋدى ۇسىندى.
«سوڭعى ۋاقىتتا مۇنداي فاكتورلاردىڭ اگروسەكتورعا قىسىمى ايتارلىقتاي بايقالدى. سوندىقتان ءبىزدىڭ ديالوگىمىزدىڭ اياسىندا اگروتەحنولوگيالىق جانە عىلىمي-يننوۆاتسيالىق ءوزارا ءىس-قيمىلدى نىعايتۋ جونىندەگى ءىس-شارالار ازىرلەۋ جاقسى بولار ەدى. اۋىل شارۋاشىلىعى مينيسترلەرىنىڭ تۇراقتى كەڭەسىن وتكىزۋ دە پايدالى بولماق»، - دەدى ق ر پرەزيدەنتى.