USD 425.02 EUR 450.1
RUB 7.17 CNY 63.75
جاڭالىقتار

توقايەۆ ءۇندىستان مەن ورتالىق ازيا ەلدەرىنە ءوڭىرارالىق كولىك-لوگيستيكالىق كونسورتسيۋم قۇرۋدى ۇسىندى

27 قاڭتار 19:59
:ءبولىسۋ
توقايەۆ ءۇندىستان مەن ورتالىق ازيا ەلدەرىنە ءوڭىرارالىق كولىك-لوگيستيكالىق كونسورتسيۋم قۇرۋدى ۇسىندى

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ ءۇندىستان مەن ورتالىق ازيا ەلدەرىنە ءوڭىرارالىق كولىك-لوگيستيكالىق كونسورتسيۋم قۇرۋدى ۇسىندى، دەپ حابارلايدى قازاقپارات ءتىلشىسى.

«ورتالىق ازيا الەمدىك شارۋاشىلىق بايلانىستارى جۇيەسىندە كولىك-لوگيستيكالىق زور الەۋەتكە يە. قازاقستان اۋماعى ارقىلى 11 حالىقارالىق ترانزيت ءدالىزى وتەدى. ونىڭ ىشىندە 5 تەمىرجول مەن 6 اۆتوموبيل باعدارى شىعىس-باتىس جانە وڭتۇستىك-سولتۇستىك باعىتتاردا جۇك قوزعالىسىنىڭ جوعارى جىلدامدىعىن قامتاماسىز ەتەدى. سولتۇستىك-باتىس باعىتىنداعى ەۋرازيالىق ەكونوميكالىق وداق كەڭىستىگىندەگى ءبىرىڭعاي كەدەن ايماعىن ەسكەرەر بولساق، رەسەيدىڭ، سونىمەن قاتار شىعىس ەۋروپانىڭ ءبىرقاتار ەلىنىڭ نارىعىنا كەدەرگىسىز كىرۋ مۇمكىندىگى بار. جىلدىق قۋاتى 26 ميلليون توننانى قۇرايتىن قازاقستاننىڭ اقتاۋ مەن قۇرىق پورتتارى ارقىلى وتەتىن وڭتۇستىك-باتىس باعدارىنىڭ دا كەلەشەگى زور. ولار كاسپي تەڭىزى ارقىلى كاسپي ءوڭىرى ەلدەرىنە، تۇركياعا جانە ودان ارى باتىسقا كەڭىنەن شىعۋ مۇمكىندىگىن بەرەدى»، - دەپ اتاپ ءوتتى قاسىم-جومارت توقايەۆ «ءۇندىستان - ورتالىق ازيا» سامميتى بارىسىندا.

مەملەكەت باسشىسى سوڭعى 10 جىلدا ەلىمىزدە ۇلتتىق كولىك ينفراقۇرىلىمىن دامىتۋعا شامامەن 30 ميلليارد دوللار ينۆەستيتسيا سالىنعانىن اتاپ ءوتتى.

«كەلەشەكتە ءبىز ونى جاڭعىرتۋعا مول ينۆەستيتسيا سالۋدى جالعاستىرامىز. تەڭىزگە شىعۋ جولى جوق ەلىمىز ءۇشىن بۇل ماسەلەنىڭ ستراتەگيالىق ءمانى بار. ورتالىق جانە وڭتۇستىك ازيانىڭ ءوزارا بايلانىستىلىعى ساۋلەتىنىڭ باستى ەلەمەنتى سەنىمدى، ءتيىمدى ءارى قاۋىپسىز ترانزيتتىك ينفراقۇرىلىم قۇرۋ بولۋى تيىستىگىنە سەنىمىم مول. ول ءۇشىن ءوڭىرارالىق كولىك-لوگيستيكالىق كونسورتسيۋمىن قۇرۋ مۇمكىندىگىن قاراستىرۋدى ۇسىنامىن. اتالعان قۇرىلىم ءۇندىستان جانە كاسپي تەڭىزى مەن پارسى شىعاناعى پورتتارى باعىتىنداعى كولىك باعدارلارىندا تولىققاندى ءارى ءوزارا ءتيىمدى جۇك تيەۋگە قاتىستى ۇلتتىق ساياساتتى ءتيىمدى ۇيلەستىرۋدى قامتاماسىز ەتەر ەدى»، - دەدى ق ر پرەزيدەنتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات