USD 425.02 EUR 450.1
RUB 7.17 CNY 63.75
جاڭالىقتار

قازاقستان پرەزيدەنتى ءۇندىستاننىڭ ساۋدا-ەكونوميكالىق پلاتفورماسىن قۇرۋ باستاماسىن قولدادى

27 قاڭتار 19:45
:ءبولىسۋ
قازاقستان پرەزيدەنتى ءۇندىستاننىڭ ساۋدا-ەكونوميكالىق پلاتفورماسىن قۇرۋ باستاماسىن قولدادى

نۇر-سۇلتان. قازاقپارات - قازاقستانعا ءۇندىستان ەكسپورتىن كەڭەيتۋ مۇمكىندىگىن قاراۋعا دايىنبىز. بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«ءبىزدىڭ بىرلەسكەن كۇش-جىگەرىمىز ءوزارا ساۋدانى ارتتىرۋدىڭ مول مۇمكىندىكتەرىن جۇزەگە اسىرۋعا باعىتتالۋى ءتيىس. وكىنىشكە قاراي، ءۇندىستاننىڭ سىرتقى تاۋار اينالىمىنداعى ورتالىق ازيا ەلدەرىنىڭ ۇلەسى ءبىر پايىزعا دا جەتپەيتىندىگىن اتاپ وتكىم كەلەدى. سوندىقتان ءۇندى تاراپىنىڭ ساۋدا جانە يندۋستريا مينيسترلەرى دەڭگەيىندە ساۋدا-ەكونوميكالىق پلاتفورما قۇرۋ باستاماسى وتە وزەكتى. ءبىز بۇل باستامانى قولدايمىز»، - دەپ اتاپ ءوتتى قاسىم-جومارت توقايەۆ «ءۇندىستان - ورتالىق ازيا» ءسامميتى بارىسىندا.

ق ر پرەزيدەنتىنىڭ اتاپ وتۋىنشە، اتالعان ساۋدا-ەكونوميكالىق پلاتفورمادا ازىرلەنگەن ۇسىنىستاردى ناقتى باعدارلامالار مەن جوبالارعا ترانسفورماتسيالاۋعا بولادى.

«ءوز كەزەگىندە قازاقستان ولاردى بىرلەسىپ ءىس جۇزىندە جۇزەگە اسىرۋ ءۇشىن قاجەتتى قارجىعا يە. اتاپ ايتقاندا، ءبىز 600 ميلليون دوللار سوماعا 80 تاۋار اتاۋىنان تۇراتىن ءتىزىلىم جاساقتادىق. ونى تاياۋ ۋاقىتتىڭ ىشىندە ءۇندى تاراپىنا جىبەرە الامىز. قازاقستانعا ءۇندىستان ەكسپورتىن كەڭەيتۋ مۇمكىندىگىن قاراۋعا دايىنبىز. وسىعان وراي ءاربىر ەلدىڭ باسەكەلەستىك باسىمدىعىن ەسكەرە وتىرىپ، ساۋدا اعىنىن ارتتىرۋ بويىنشا جوسپار ازىرلەۋ ۇسىنىلادى»، - دەدى ق ر پرەزيدەنتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات