USD 424.84 EUR 453.6
RUB 7.3 CNY 63.91
جاڭالىقتار

ازيانىڭ الەمدىك ەكونوميكاداعى ءرولى ايتارلىقتاي ارتتى - قازاقستان پرەزيدەنتى

27 قاڭتار 19:14
:ءبولىسۋ
ازيانىڭ الەمدىك ەكونوميكاداعى ءرولى ايتارلىقتاي ارتتى - قازاقستان پرەزيدەنتى

نۇر-سۇلتان. قازاقپارات - ازيانىڭ الەمدىك ەكونوميكاداعى ءرولى ايتارلىقتاي ارتتى. بۇل تۋرالى «ورتالىق ازيا - ءۇندىستان» سامميتىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«وسى سامميتتىڭ ءبىزدىڭ ەلدەر اراسىندا ديپلوماتيالىق قاتىنىستاردىڭ ورناۋىنا 30 جىل تولعان مەرزىمدە ءوتىپ جاتقانى سيمۆولدىق مانگە يە»، - دەدى مەملەكەت باسشىسى.

قازاقستان پرەزيدەنتى وسى جىلدار ىشىندە تاراپتار سىندارلى ساياسي ديالوگ ورناتقانىن، تۇراقتى تۇردە ەكونوميكالىق ءارى گۋمانيتارلىق بايلانىستار نىعايتىلعانىن اتاپ ءوتتى.

«ازيا ءوڭىرى اۋقىمدى رەسۋرستارعا جانە ەلەۋلى زياتكەرلىك الەۋەتكە يە بولىپ وتىر. وسىندا ماڭىزدى كولىكتىك دالىزدەر مەن جىلدام ءوسىپ كەلە جاتقان نارىقتار شوعىرلانعان. ازيانىڭ الەمدىك ەكونوميكاداعى ءرولى ايتارلىقتاي ارتتى. ول ينۆەستيتسيا مەن كاپتالدىڭ تارتىلۋىنىڭ جاھاندىق جاڭا ورتالىعىنا اينالىپ كەلەدى. بۇل ءوز كەزەگىندە ءبىزدىڭ ەلدەر اراسىندا ءوزارا ءتيىمدى ىنتىماقتاستىقتىڭ قولايلى مۇمكىندىكتەرىن جۇزەگە اسىرۋ ءۇشىن ۇلكەن پەرسپەكتيۆانى اشىپ وتىر. ءبىرىنشى كەزەكتە ول ساۋداعا قاتىستى بولىپ تۇر»، - دەدى قاسىم-جومارت توقايەۆ.

بۇدان بۇرىن حابارلانعانداي، جيىنعا ءۇندىستان پرەمەر-ءمينيسترى نارەندرا مودي باستاماشى بولدى.

ونلاين ءوتىپ جاتقان تالقىلاۋعا وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون قاتىسىپ جاتىر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات