USD 425.02 EUR 450.1
RUB 7.17 CNY 63.75
جاڭالىقتار

داۋرەن ابايەۆ الماتىداعى ءبىرقاتار سپورت نىساندارىنىڭ جۇمىسىمەن تانىستى

27 قاڭتار 18:29
:ءبولىسۋ
داۋرەن ابايەۆ الماتىداعى ءبىرقاتار سپورت نىساندارىنىڭ جۇمىسىمەن تانىستى

نۇر-سۇلتان. قازاقپارات - داۋرەن ابايەۆ الماتىداعى ءبىرقاتار سپورت نىساندارىنىڭ جۇمىسىمەن تانىستى، دەپ حابارلايدى قازاقپارات ق ر مادەنيەت جانە سپورت مينيسترلىگىنىڭ رەسمي سايتىنا سىلتەمە جاساپ.

«سپورتشىلاردىڭ دوپينگكە قارسى زەرتحاناسى» ر م ق ك، «ك. احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى» ر م م جانە «سپورتتىق مەديتسينا جانە وڭالتۋ ورتالىعى» ر م ق ك جانە «رەسپۋبليكالىق سپورت كوللەدجى» رەسپۋبليكالىق مەملەكەتتىك قازىنالىق كاسىپورنىنا باردى.

مەكەمەلەردىڭ ۇجىمىمەن كەزدەسۋ بارىسىندا مينيستر قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ سپورتتى دامىتۋ جانە ناسيحاتتاۋ، حالىق اراسىندا سپورتتىق ينفراقۇرىلىمنىڭ قولجەتىمدىلىگىن ارتتىرۋ باعىتىندا اۋقىمدى مىندەت قويعانىن اتاپ ءوتتى.

«بيىلعى جىل بۇقارالىق سپورتتى دامىتۋ تۇرعىسىنان قاراعاندا جاعىمدى جاڭالىقتاردان باستالماعانىن مويىنداۋىمىز كەرەك. بۇل جەردە سپورت سەكتسيالارىن جان باسىنا قارجىلاندىرۋ مەحانيزمى تۋرالى ايتقىم كەلەدى. سوڭعى جاعدايلارعا بايلانىستى بىردەن بىرنەشە فاكتور اسەر ەتىپ، بارلىق وڭىرلەردە ولار جۇمىسىن توقتاتتى. قازىر كىمنىڭ كىنالى ەكەنىن انىقتاپ وتىراتىن ۋاقىت ەمەس. ول اكىمدىك پە، مينيسترلىك پە، جەتكىزۋشىلەر مە نەمەسە قازىناشىلىق پا، ماڭىزدى ەمەس. بۇدان ەڭ ءبىرىنشى بالالار زارداپ شەگىپ وتىر، سوندىقتان ءبىز بۇل ماسەلەنى مۇمكىندىگىنشە تەز شەشۋىمىز كەرەك. الايدا جۇمىستى جەدەلدەتۋ ءبىزدى «سۇر سحەمامەن» كۇرەستە، اسىرەسە «ءولى جاندارمەن» جۇمىس ىستەيتىندەر قاراجات الۋعا تىرىسقان كەزدە دە جاۋاپكەرشىلىكتەن بوساتپايدى.

قازىر، وكىنىشكە قاراي، قارجىلاندىرۋ ەرەجەلەرىندە وسىنداي ولقىلىقتار كوپ، ءبىز ونى جاقىن ارادا جويۋعا تىرىسامىز. قوعامنان وسىنىڭ بارلىعىن قالپىنا كەلتىرۋگە ءسال عانا ۋاقىت بەرۋىن سۇرايمىن»، - دەدى داۋرەن ابايەۆ.

سونداي-اق داۋرەن ابايەۆ ۇكىمەتتىڭ سپورتتى دامىتۋ جونىندەگى ءىس-شارالار جوسپارىنا ەنگىزىلگەن ءبىرقاتار تاسىلدەر مەن ءىس-شارالاردى ماقۇلداعانىن ايتتى: «ءبىرىنشى كەزەكتە بۇل سپورت سەكسيالارىنىڭ سانىن ارتتىرۋ، سپورت نۇسقاۋشىلارىن كوبەيتۋ، اۋەسقوي كلۋبتار جەلىسىن كەڭەيتۋ، سپورت عيماراتتارىن سالۋ، سپورتتىق-بۇقارالىق ءىس-شارالاردى وتكىزۋ جانە سپورتشىلار مەن جاتتىقتىرۋشىلاردى ءومىر بويى اي سايىنعى قامتاماسىز ەتۋدى ۇلعايتۋ، سپورتشىلاردىڭ شتاتتىق سانىن تۇراقتى تۇردە ارتتىرۋ جونىندەگى ءىس-شارالار».

مينيستر، بۇگىندە مەملەكەت سپورتتىق مەديتسينانى دامىتۋعا جانە دوپينگكە قارسى قاتاڭ ساياسات جۇرگىزۋگە، ونىڭ ىشىندە حالىقارالىق ينستيتۋتتار مەن زەرتحانالارمەن ىنتىماقتاستىققا ەرەكشە كوڭىل بولەتىنىن اتاپ ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات