قاسىم-جومارت توقايەۆ «ورتالىق ازيا - ءۇندىستان» سامميتىنە قاتىسىپ جاتىر
بۇعان دەيىن ق ر پرەزيدەنتىنىڭ باسپا ءسوز حاتشىسى بەرىك ءۋالي جيىنعا ءۇندىستان پرەمەر-ءمينيسترى نارەندرا مودي باستاماشى بولعانىن حابارلادى.
اتاپ ايتقاندا، ءىس-شارا ونلاين فورماتتا وتەدى. كوشباسشىلار ورتالىق ازيا ەلدەرى مەن ءۇندىستان اراسىنداعى ءتۇرلى سالالار بويىنشا ىنتىماقتاستىقتى نىعايتۋدىڭ جانە كەڭەيتۋدىڭ پەرسپەكتيۆالارىن تالقىلايدى.
جيىن قورىتىندىسى بويىنشا «ورتالىق ازيا - ءۇندىستان» اتتى ءبىرىنشى سامميتتىڭ دەكلاراتسياسى قابىلدانباق.
ونلاين ءوتىپ جاتقان تالقىلاۋعا وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون قاتىسۋدا.
وسىعان دەيىن مەملەكەت باسشىسى قاسىم-جومارت توقايەۆتىڭ تاريحتا العاش رەت ۇيىمداستىرىلىپ وتىرعان «ورتالىق ازيا - ءۇندىستان» اتتى سامميتكە قاتىساتىنى حابارلاندى.