USD 424.84 EUR 453.6
RUB 7.3 CNY 63.91
جاڭالىقتار

پرەزيدەنت قاۋىپسىزدىك كەڭەسىنىڭ وتىرىسىن وتكىزدى

27 قاڭتار 16:25
:ءبولىسۋ
پرەزيدەنت قاۋىپسىزدىك كەڭەسىنىڭ وتىرىسىن وتكىزدى

نۇر- سۇلتان. قازاقپارات - مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى.

وندا ۇلتتىق قاۋىپسىزدىكتى قامتاماسىز ەتۋ جۇيەسىن قايتا قۇرۋ جانە نىعايتۋ شارالارى قاراستىرىلدى، دەپ حابارلايدى اقوردانىڭ باسپا ءسوز قىزمەتى.


قاۋىپسىزدىك كەڭەسىنىڭ ءتوراعاسى قاسىم- جومارت توقايەۆ قازىرگى ۋاقىتتا ەلدەگى احۋال تولىعىمەن تۇراقتالعانىن جانە قۇقىقتىق ءتارتىپ قايتا قالپىنا كەلگەنىن اتاپ ءوتتى. تۇلعالاردىڭ، قوعام مەن مەملەكەتتىڭ قورعالۋ دەڭگەيىن ارتتىرۋ ءۇشىن بارلىق شارا قابىلدانىپ جاتىر. پرەزيدەنت بارلىق مەملەكەتتىك ورگاندار وتكەن وقيعادان ساباق الۋعا ءتيىس ەكەنىن ايتتى. جاڭعىرتىلعان ۇلتتىق قاۋىپسىزدىك جۇيەسى سىن- قاتەردىڭ كەز كەلگەن قيىندىعىنا توتەپ بەرۋگە دايىن بولۋى قاجەت.

- بۇدان بىلاي قىلمىستىق توپتار مەن تەرروريستەر قالالارىمىزدى باسىپ الىپ، ازاماتتار مەن ولاردىڭ وتباسىلارىنىڭ بەيبىت ومىرىنە قول سۇعىپ، مەملەكەتتىلىگىمىزگە قاۋىپ توندىرمەۋى ءۇشىن شارالار قابىلداۋعا مىندەتتىمىز. ۇلتتىق قاۋىپسىزدىك جۇيەسىن قايتا قۇرۋ ءىسىنىڭ ماقساتى دا وسى، - دەدى قاسىم- جومارت توقايەۆ.


قاۋىپسىزدىك كەڭەسىنىڭ باسشىسى قاۋىپسىزدىككە جاۋاپ بەرەتىن بارلىق قۇرىلىمنىڭ ءوز جۇمىستارىن وزگەرتۋى كەرەك ەكەنىن اتاپ ءوتتى. بۇل رەتتە، ولاردىڭ ءوزارا ءىس- قيمىلدارى بارىنشا تەڭگەرىمدى بولۋعا ءتيىس. مەملەكەت باسشىسى ۇلتتىق قاۋىپسىزدىكتىڭ بارلىق باعىتىن نىعايتۋ جونىندەگى ناقتى شارالاردى كەشىكتىرمەي جۇزەگە اسىرۋعا كىرىسۋدى تاپسىردى. قاۋىپسىزدىك كەڭەسى وتىرىسىنىڭ بارىسىندا ۇلتتىق قاۋىپسىزدىك جۇيەسىن رەفورمالاۋعا باعىتتالعان ناقتى شەشىمدەر قابىلداندى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات