كارىم ءماسىموۆ ءىسى «وتە قۇپيا» بەلگىسىمەن تەرگەلۋدە

نۇر- سۇلتان. قازاقپارات - ق ر ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆتىڭ قىلمىستىق ءىسى «وتە قۇپيا» بەلگىسىمەن تەرگەلۋدە، دەپ حابارلايدى قازاقپارات ءتىلشىسى.

«قىلمىستىق- پروتسەسسۋالدىق كودەكستىڭ 201-بابىنا سايكەس، اتالعان سوتقا دەيىنگى تەرگەۋدىڭ جاريالانۋعا جاتپايتىندىعىن كوميتەتتەن (ۇلتتىق قاۋىپسىزدىك كوميتەتى) راستادى»، - دەلىنگەن Almatyapat Telegram-كانالىندا جاريالانعان اقپاراتتا.

ەستەرىڭىزگە سالا كەتەيىك، وسى جىلدىڭ -6 قاڭتارىندا ۇ ق ك قازاقستان رەسپۋبليكاسى قىلمىستىق كودەكسىنىڭ 175-بابى 1-بولىگىمەن مەملەكەتكە ساتقىندىق فاكتىسى بويىنشا سوتقا دەيىنگى تەرگەۋ باستادى. وسى كۇنى اتالعان قىلمىستى جاسادى دەگەن كۇدىكپەن ۇلتتىق قاۋىپسىزدىك كوميتەتىنىڭ بۇرىنعى ءتوراعاسى ك. ءماسىموۆ، ۇ ق ك ءتوراعاسىنىڭ بۇرىنعى ورىنباسارى - «ا» ارنايى ماقساتتاعى قىزمەتىنىڭ باستىعى ا. سادىقۇلوۆ پەن ۇ ق ك ءتوراعاسىنىڭ بۇرىنعى ورىنباسارى د. ەرعوجين ۇستالدى.

«ك. ءماسىموۆ پەن ءا. سادىقۇلوۆقا قاتىستى قاماۋدا ۇستاۋ تۇرىندەگى بۇلتارتپاۋ شاراسى سانكسيالانعان. د. ەرعوجينگە قاتىستى بۇلتارتپاۋ شاراسىن تاڭداۋ ماسەلەسى قاراستىرىلىپ جاتىر»، - دەلىنگەن ق ر ۇ ق ك باسپا ءسوز قىزمەتى تاراتقان اقپاراتتا.

اۆتور: مارلان جيەمباي